والله عين العقل انك تزوريهم يوم او يومين بالاسبوع
بالذات انه الام رسمية .... ماتدري الناس على ايش ماشين
وكثرت الاحتكاك تولد المشاكل والقيل والقال وماتخليلك طله حلوه عليهم
اما اولادك خليهم ينزلون مع ابوهم كل ماراح لهم
اما كل يوم وانت بوجهم صراحه ماايدك ابدا .... واذا تعزميهم عندك من فترة لفترة حلو منك
بالتوفيق اختي
طلة ملكه :
مضاوي اهل زوجها يسوون كذا لانها هي تعاملهم معاملة الغريب .. المفروض خلاص تتصلين عليهم اوول مره وغقب خلاص ماتتصلين لانكم بيت واحد وخليكي طبيعيه مع الكل لارسميه ولا طاايحه الميانه معاهم .. الغدا حلو تكونيين معاهم يوميأ,,, والعشا موضروري والقهوه اذا حبيتي حلابسيط تنزلينه معاك ...المغرب بعد كذا اذا ماحبوووووك ..واعتبروك بنتهم .. لوميهم .. بس اللحين ماجاء منهم شر !! واذا يراقبون لك الدرج اليوم وبكره بعده بيملوون وتقدرين تقولين لخالتك ..انا موغريبه ياخاله وعلي جلالي وهذول اخوان رجلي كنهم اخواني لاتعبين نفسك ياخاله ...مضاوي اهل زوجها يسوون كذا لانها هي تعاملهم معاملة الغريب .. المفروض خلاص تتصلين عليهم اوول مره...
ريومه 99 :
الله يعين بس المفروض تستفيدين منهم خلي ولدك عندهم يتعودا عليهم ويتعودون عليه اذا بغيتي تروحين عزيمه ولا تعبتي ولا تروحين سوق ولا تسافرين يكون عندهم من صالحكالله يعين بس المفروض تستفيدين منهم خلي ولدك عندهم يتعودا عليهم ويتعودون عليه اذا بغيتي تروحين...
عاد دايم زوجي يقول خليه عند امي اذا جيت اروح السوق وانا اقول لا واخليه عند امي وخواتي
يعني عشان مايقولون راميه ولدها وطايره على هالسوق ومن هالحكي
يعني عشان مايقولون راميه ولدها وطايره على هالسوق ومن هالحكي
l0leta :
والله انا مع البنات ,, صراحه قويه معهم بالبيت وما تنزلين الا مرتين ,, صراحه بعذرهم يزعلون ويقلبون خششهم منك ,, بعدين اذا على كلامك خالتك ترسل احد يشوفلك الطريق ,,يمكن لبسك يكون مو مناسب ,, اذا جيتى تنزلين لهم البسي تنورة وبلوزه عاديه وجلالك فوق راسك فديتك ,,عشان ما تحسين انهم متضايقين من دخلتك عليهم ,,حتى العيال لو دخلوا طقى هالشرشف وانتهى الموضوع ,, ترى كلنا كنا عند حمايلنا والجلال ما ينزل من روسنا :) ولا تزعلين ترانا خواتك ونبغالك الخير ,,والنصيحه اول بجمل ,,والله انا مع البنات ,, صراحه قويه معهم بالبيت وما تنزلين الا مرتين ,, صراحه بعذرهم يزعلون...
الصفحة الأخيرة
يعني بعد المغرب والا العصر
انتي تقولين ان درجكم واحد يعني احس عيب انك كاتنزلين
شوفي ياقلبي لو بابك غير بابهم يمكن
لبس العبايه وطلعتك ودخلتك تأثر بس
درجكم واحد احسها قويه ماتنزلين الا بالجمعات
وابو زوجك ترى ما الومه اكيد انه كبير ويبي اللمه
انا ما قول اقعدي عندهم اربعه وعشرين ساعه
بس على الاقل ان مانزلتي يوميا انزلي يوم ورى يوم
نزلي معك حلى والا كيكه وتقهوي معهم
ويوم سوي غدا ببيتك وانزلي تغدي معهم انتي وزوجك
واللحين رمضان جاي وحلوه الجمعه صدقيني انزلي معهم ايام وسوي فطورك عندهم وافطروا سوى والا نزلي فطورك من بيتك وقولي اشتهينا نفطر معكم
صدقيني طيبي معهم واتعاملي معهم مثل امك وابوك صدقيني بحبونك ويعتبرونك زي بنتهم
واذا حسوا بتغيير وعلقوا انك تغيرتي وصرتي تنزلين تعذري بولدك انه صغير ويستغرب الناس وودي يتعود عليكم
صدقيني خذها نصيحه مني
انا اللحين ساكنه ببيت لحالي بس كل ويك اند نروح عندهم عني غرفه فيها كل المقومات اللي تخليني ما انزل لهم
بس انا لا والله انزل عندهم واعاونهم اذا كان بيجيهم احد واطبخ احيانا عاد مودايم بس لما يصير رمضان لا والله من الظهر والا عنهم ازين واتفنن واحاول ابدع لهم
وحتى اذا نزلنالهم وقت الويك اند اودي معي اي شي
كيك حلا صينيه اي شي
ويحبوني الحمدلله ويعاملوني مثل بنتهم ماشاء الله صحيح امر بازمات احيانا معهم بس الحمد لله عشان اطنش وما ادقق تروح بسرعه
اما مرة ولدهم الثانيه اذا جتهم على انها قريبتهم الا يتضايقون عشانها ما تهتم بضيوفهم ولا تحترمهم وان غلطوا لو بشي بسيط ما يستاهمل كومت خشتها وازعلت وقاعده بسويتها ما تنزل الا وقت الوجبه والا تقول حطوا لي على جنب
والله ثم والله انها اذا راحت يفرحون ويقولون هم وانزاح
واللحين انا على رمضان باسلم شقتي واسكن عندهم فترة 3او4 سنين وفرحانين فينا مره الله يتمم على خير وما يقلبون علي
والله هالكلام اللي اقوله عن تجربه اكسبيهم قبل لا تخسرينه اكثر من كيذا واسفه اذا كنت قسيت عليك