الي فيني عين أو وهم ؟؟

السلام عليكم و رحمة الله و بركاته ..

أنا أعرف ان عضوات المنتدى هنا يعاملون بعض كاأخوات و أكثر و أتمنى تعتبروني مثل أختكم أو وحده من بناتكم ..

أنا أهلي و خصووصا امي من النوع الي ماتعترف بشي اسمه حسد أو عين , و المشكله ان حاااسه ان جايتني عين مليون بالميه ,,, خليني أقولكم و انتو أحكموا ...

في البدايه مستواي الدراسي جدا جدا انخفض الترم هذا مع اني كنت معروفه بتفوقي في العائله و بين زميلاتي لدرجة اني أحيانا - ماشاءالله لا قوة إلا بالله - لما امشي بالكلية أسمع بنات يتكلمون عني و يأشرون علي : هذي الي جابت كذا و هذي الي بالكلية الفلانية . يعني الحين صرت أحس بـلا مبالاة و كره للدراسه و أحيانا ضميري يأنبني و أقطع نفسي علشان أستعد لامتحان معين و أتفاجأ ان درجتي هي الأقل بين الطالبات :09:

و برضو من فترة طلعت لي حبوب غريبه بوجهي و جسمي ...ودتني أمي عند طبيبة جلدية بس من شهووور و مافي فايده .

و الي لاحظته بقوه من أكثر من أسبوع هو نومي الي مو طبيعي ..يعني أنام أكثر من 12 ساعه متواااااصله و لا أحس ان في احد صحاني مع ان الكل يجي يقومني و لا خليت منبه و لاجوال بس مافي فايده و أنام دائما من العصر إلى من بكرا الفجر :(

لما أشكي لأمي الحال و أسألها وش السواة ,, تقولي عادي النفس تميل للراحة و لا تقعدين تتوهمين!!!

و للأمانه , أنا ماأحافظ على الأذكار , وكنت أتكلم بكثرة عن الأشياء الي تثير إعجاب الناس , و كنت ماأذكرهم بذكر الله ..

وش أسوي ؟ و لو جايتني عين , على أيش ؟ و كيف أعرف من مين ؟

أنتظركن اخواتي ...