الي في أحياء الشرق(الروابي-الريان-وغيرهم)تجي تساعدني الله يوفقهابخصوص المدارس الاهليه

السلام عليكم ورحمة الله وبركاته..

بنات الي ساكنه بالشرق ابيها تفيدني الله يعافيكم وتقريبا في احياء
(الريان والروابي )<< الارجح ومعليش لوالسلام والروضه.
انا طالبه منكم وخصوصا بنات الاهليه . ابي فزعتكم.

انا اللحين في ثالث ثانوي وفي حكوميه وخلصنا امتحناتنا في المدرسه بس درجاااتي ماأعجبتني :( وانا ابغى اجيب نسبه حلوه فقلت مالي الا اني انقل لاهليه عشان يعيدون لي اختباراتي واجيب نسبه زينه(تدخلني القسم الي ابيه).
انا اعرف مدارس كثيره بس ماأدري هم يعيدون لي ولا لا! عندك مثلا الزهراء والحضاره والاجيال والاندلس والبيارق والتربيه النموذجيه<<يقولون شديدين.

والمطلوب...

اي وحده في اهليه او( تعرف احد في اهليه) ابي اسألها كم سؤال .
المدرسه تعيد الاختبارات( طبعا بالشهري) اذا جابت البنت درجه شينه؟
يساعدون البنات يعني يخططون لهم أو يعطونهم ملازم تسهل عليهم المذاكره؟
معاملتهم وشرحهم زين ولا لا؟<<مايهمني مره لاني ادبي وكل شيء يعتمد على الحفظ.
وين موقع المدرسه بالضبط ووش اسمها؟
مبنى المدرسه زين ولا يعني؟
يطيعون يعيدون لي كل امتحاناتي؟

................

معليييش طولت عليكم بالأسئله بس اعذروني لاني والله قلقانه مره وابي انقل بس ماأدري وين اروح.(حتى من كثر انا قلقانه وحيرانه قلت ابكتبه اللحين وانا اللحين الصبح تقريبا 8 بس عيا يجيني نوم من بعد الصلاة كله قاعده افكر)

تكفووووووون ردوا علي بسرررررعه لاتطنشوووني.

الله يوفقها ويدخلها الفردوس الأعلى وينجحها في الدنيا والاخره الي تساعدني .