الي كل العضوات عالم حواء. تجمعوا عندي. حياكم

أهلين.

أنا متكية. هنا لي فترة طويلة. اقرأ. واقرأ. المواضيع. وأشوف من الردود. ان النفسيات. ضائقة ومالة. وفيه نبرة قهر. وفيه سخرية. على اي قرار ينزل. وتهكم

وللحق مالومكم. ابد.

كلامي بيكون عن الخريجات القديمات خصوصا من حصلت على نسب عالية والكل أكسيد تعب واجتهد وصبر سنين وكل الخريجات الي تعدت سنوات بطالتهم. 7 سنين وفوق.


قريت عن تجمعات. بالمنتدى. لكن لم تطبق على ارض الواقع. تكلموا عن قضيتنا. في روتانا. صار فيه إرسال. للصحف كثيير.

فيه موضوع نزل يتكلم عن انه فيه. نظر لوضع الخريجات القديمات وانه. راح. يعملونه على توظيفهم قريبا. وقريت الردود. انه فيه انزعاج. كبير للخبر. وعدم تصديق من فوة كبيرة وانه. تخدير. بالرغم انه شي مفرح. جداً. لو فعلا طبق. وقاموا بالعمل به


بصراحة. حلو الانسان. يكون متفائل. جداً ومبتهج. ومتمسكين بامل قوي من الله
صحيح. وضعنا مولم ويقهر. ويدمي القلب.


بس بأخواتي. الله سبحانه. وتعالى حي قيوم. قادر. وكريم. ومالك الملك. بيده ملكوت كل شي.


رزقنا بيدينه. واذا أراد امر. فإنما. يقول. له كن فيكون. لا يعجزه شي بالأرض ولا بالسماء


خلونا وتفاءل وتزرع التفاؤل بيننا.

حابه بموضوعي. هذا. آرائكم ومشاركاتكم الي تثري الموضووع

الي هو عن. اسباب تاخير توظيفنا. الى طالت رجالتنا سنين. وحابه نطلع. بحلول تكون لصالحنا كلنا

فيه امور لازم يلتفتون لها ويحلونها.

ان. من. اكثر الاسباب الي دايم اكتبها هنا واكرر في كتابتها.
1
نظام التقاعد عندنا الي مفروض يقلصوون سنينه. المفروض يصير 15 سنة او 18 سنة ولابد. يعطونهم كامل الحقوق والراتب
*** بيصير. فيه فرص وظيفية كثير. خصوصا. ان فيه. كثير. تعدت خدمتهم اكثر من عشرين سنة وهن على راس العمل. ومشاء. الله. يرقونهم لوظائفهم من مدرسة الي مديرة الى وكيلة وغيره والله يجزاهم خير. ماقصروا خدموا في السلك التعليمي سنين
وفئة كبيرة منهم ترفض التقاعد لاسباب عدم رغبتهم بالمكوث بالمنزل وهذا كلام فئة منهم
وملساء الله بعضهم خريجات معاهد من سنين قديمة. على اساليب التعليم القديم جداً ايام كانوا يعطون. المعلمات اراضي. حتى يشجعونهم على مهنة التعليم خصوصا الخريجات الاولى من المعاهد والكليات. وسبحان الله الحين. يتكدسوون سنين وحقهم بالوظيفة. يسقط

وتعتبر وظيفة التعليم الحين هي انسب وظيفة للبنات وهي الاعلى رغبة. اكثر من المجالات الاخرى الي فيها اختلاط ومو كل اولياء الامور يرغبها

والي خدمت اكثر من 20 سنة. ماراح يكون عطاءها زي لما المراءة باول عمرها. غصب عننا هذا تكوين المراءة وكذا خلقها الله لنا مراحل نمر فيها. ومتعب ونحتاج وقت ترتاح فيه ولما يكون التقاعد مبكر بيناسب المعلمة لان مهنة التعليم تحتاج بذل جهد وتطوير وتجديد.
واذا مسالة بعد التقاعد بيصير فيه فراغ. ممكن شغله ومراكز تحفيظ قران. او اعمال تطوعية او جمعيات خيرية ومجال التطوع كثيير

يعني حنا الي لنا 10 سنين بطالة اذا بياخروننا زود وتتوظف وحدة وعمرها 35 سنة وفوق. هل نشاطهاوعطاءها بيكون زي. نشاطها بعد تخرجها بسنة او سنتيين. أكيد. لا. مع ان 35 تعتبر صغييرة. بس. بعد يكفي سنين الانتظار هدت حيلها.

بنات. والله الشاهد. ماهو حسد. للي خدمتهم فوق العشرين الله يبارك لهم. بس لازم فيه حلول وهذا من اكبر الحلول. ويصير يطبق نظام التقاعد علينا حتى حنا.



2. نظام الواسطة الجائر. لما تتخرج وحدة وقريب لها. يوظفها مباشرة لانه يملك سلطة شي. بيفرح هالخريجة أكيد. بس. فيه. ظلم للي تنتظر سنين وتقدم هالخريجة على حساب الي تنتظر. وبالله هالفيلم يمتد سنين وسنين على حساب ناس


مفهوم الرزق معروف ان الله يرزق الناس كلهم. واقصد تجي وحدة وتقول هذا رزقها. أكيد. رزقها ومانحجر واسع.
بس الي سعت واجتهدت وتعبت وانتظرت سنين طويلة وبذلت الاسباب وبالاخير تنظلم. وتتأخر لان ما فيه نظام يعطي كل ذي حق حقه

والله يرزق الجميع



خواتي الحلوات حاولت اقدم حل او شي بسيط. وكلي. ثقة فيكم أنكم تثروون الموضوع باراءكم وحلولكم ومقترحاتكم. وأي شي. يفيد في وضعنا. الي طال امده



بس بنفس الوقت. اتمنى ما تجي وحدة وتسب. وزير. او دولة او تكون نفسيتها متضايقة وتدعي والا تقول. زهقنا. او اي شي مو مفيد
اتمنى المشاركة الإيجابية المتفائلة ودي بأكبر عدد من مشاركاتكم وردودكم الي تساعد في حل قضيتنا



اتمنى المشاركة الفعالة ولا تكسفوني
ودي نطلع بنتيجة.

وبالله عليكم. اتمنى تكونون متفاءليين ومتفاعلين
الله يرزقكم كلكم ويفرح قلوبكم. اجمعيين. امين وتبشروننا. وابشركم. قادر رب العالمين

دعواتكم
الله يرزقني الوظيفة الحكومية القريبة بمنطقتي.
لازم ينظروون بأمرنا. بجد