الي يساعدني له أجر من رب العالمين انشاء الله

سوي بحث وبتلاقين الطرق ان شاء الله

اهلين اختي آمري

بس مافهمت عليك هل تبين وصفه يدخل فيها الايس كريم او وصفة مشابهه للىيسكريم؟؟

علعموم هذي وصفه مره حلوه زي الايسكريم واحلى ...

2 قشطه طازجه + 2 قشطه التاج ..+ حليب نستله علبه كبيره
2 بسكويت شاي مكسر ..تخلط جميعها مع بعض بالملعقه لين مايتشرب البسكويت الخلطه تماما ..

توضع في صينيه عميقه ملبسه بنايلون

توضع بالفريزر من 5 الى 7 ساعات او يوم كامل

بعدين عند التقديم تقلبين الصينيه او الماعون العميق وتفكين النايلون منه

وتزينينه بصوص شوكلاته هيرشيز السائل

عاد لاتنسين تدعيلي :)

http://forum.hawaaworld.com/showthread.php?t=336719

هذي طريقتي في عمل الفالودة ويدخل فيها الآيس كريم

مشكورين خواتي على ردودكم لي و جزاكم الله خيراً لأنكم تعبتوا نفسكم و كتبتولي و رديتوا علي

أختي ساعة الماس :لا أعرف كيف أسوي بحث بس ممكن اني أتعبث شوي بالموقع ومشكورة على المعلومة وانشاء الله الله يوفقج يا رب ;)

أختي لحن المشاعر : مشكوووووووووووووووووورة على الوصفة الرائعة و انشاء الله راح أجربها ، و آنا أبي وصفة يدخل عليها لآيس كريم وجزاكي الله ألف خير يارب و ماراح أنساج في دعائي :)

أختي فا قدة الأمل بالمرة : مشكووووووووووووووووووووووووووورة و أقلج اياها من كل قلبي :39:

احم احم
ههههههههه هلا حبيبتي انا احب اساعدج مثل باقي البنات الموجودات وان شالله بس تعجبج طريقتي

شوفي حبيبتي ،،، عندي طرق حلوه لايسكريم هو نوع من الحلى

شوفي الطريقة الاولى :
كيك السارالي بايسكريم القهوة
المقادير :
1 كيك سارالي ابيض او اي ماركة المهم كيك اسفنجي ابيض ،، ولو حبيتي تخبزي الكيك بالبيت بكيفك استخدمي كيك بيتي كروكر واخبزيه في اواني مستطيلة عشان تسهل التقطيع والرص

واحد كيس كريم كراميل
كوب وربع حليب سائل
ست حبات كاكاو جالكسي بالبسكويت ،، بسكويت بكاكاو الجالكسي اتمنى فهمتي وش اقصد ،، ماقصد الكاكاو اللوح اقصد الثاني اللي شكله سيجاره ويجي اثنين في كيس واحد

ست كاسات ايسكريم فانيلا ساده هذا الكوب اللي يجي بريال واحد (( خليهم بره عشان يذوبون شوي عشان يسهل لج تقليبهم بالملعقة ))
ملعقة شاي نسكافيه قولد بلند العلبه اللي تجي كأنها مستطيله

الطريقة :
اخذي الكيك قطعيه مستطيلات ورصيه بالبايركس
اغلي الحليب مع كيس الكريم كراميل
وصبيه على الكيك خليه يتشرب زين
وخليه بالفريز ربع ساعه
بعدين اخذي الايسكريم حطيهم في وعاء وعليهم النسكفيه ،، واخلطيهم زين وبعدين صبيهم فوق الكيك ،،، ورجعيهم الفريز يجمدون بعد نص ساعه كذا
طلعيهم واخذي سجاير الجالكسي قطعي كل سجاره نصين ورتبيهم باي طريقة تحبين فوق الايسكريم
وذوقيها وادعي لي وانا متأكده راح تعجبك

الطريقة الثانيه اللي اسويها بالايسكريم طريقة سهله وايد لو بيجونا حريم مثلا بسرعه وماتصلوا لنا قبل بيوم ،، اسوي هالطبق سهل وايد

المقادير :
6 ايسكريم كاسات موز ،، او مانجو اللي تحبين
بس لازم يكون موز او مانجو
كيك سويس رول بالفراوله
علبة فواكة مشكلة مفصول عنها الماي
كيس كريم كراميل + كاس وربع حليب سائل

الطريقة :
اخذي الكيك السويس رول قطعيه دوائر وصفيه في بايركس دائري ،،
الحين صبي الكريم كراميل بعد ماغليتيه فوق الكيك
وزعي الفواكه المشكلة على الكيك ،، ثم صبي الايسكريم فوقهم ودخليهم الفريزر (( طبعا الايسكريم بيكون ذايب قبل ماتحطينه الفريز ))


نوع ثالث من الايسكريم دايم نسويه برمضان

1 كيس دريم ويب
1 علبة فواكه مشكله منزوعة الماء
1علبة قشطة التاج او المراعي
1 كيس كريم كراميل
1كوب حليب

الطريقة :
حطي كل المقادير في الخلاط بس الدريم ويب ذوبيه في نص كوب حليب وصبيه على المقادير
والكريم كراميل اغليه مع الحليب ع النار بعدين صبيه فوق المقادير
واضربيهم بالخلاط وصبيهم في زبديات صغيره وزينيهم بفستق مطحون وبالهناء والشفاء

وذوقيه وخبريني ،،،