امانه في اعناقنا نغفل عنها

السلام عليكم ورحمة الله وبركاته
بنات اليوم ع بالهم ان الي تطبخ خدامه لايحبون المطبخ ولا يدخلونه الا للضروره القصوى ليش الأمهات مايعلمون بناتهم !! تروا بناتكم امانه عندكم علموهم كل شي لاتخلون بناتكم يتزوجون وهم ماتعلمو شي لان هذا الشي بيأثر على حياتهم اليوم وحده من صاحباتي اتصلت علي تقول زوجها يقولها انا تعبت منك ومن المطاعم ابي ارتاح اخذتك عشان اطلع من العمل ع بيتي على طول مو اجلس ادور في الشوارع اجيب غدا وعشاء شوفي لك حل لاني في رمضان ماابغى اكل مطاعم ابغى اكل بيت والمسكينه تقول والله م اعرف اصلح شي حتى الملابس م اعرف اغسلها زي الناس تقول انصدمت في كل شي لما تزوجت امي ماعلمتني شي واهل زوجي يعايروني يقولون لي البليده يعني المتبلده تقول حاولت اتعلم بس مو قادره لان امي زرعت الخوف في نفسي من المطبخ ومن كل شي يتعلق في البيت حولي .... امها كانت تبي تريحها ولكنها اشقتها البنت لها سنتين متزوجه ومعتمده على المطاعم اعتماد كلي تقول رمضان الي فات كانت نفاس وعندها عذر بس رمضان هذا مافي عذر قلت لها أدخلي ع النت وتعلمي الطبخ تري سهل .. تقول انا مشكلتي مو مع الطبخ انا مشكلتي مع الرعب الي داخلي من المطبخ او ان ماء حار يحرقني او زيت يحرقني وغيره ... يابنات علمو بناتكم كل شي عشان لاينصدمون في حياتهم علمي بنتك من صغرها على حب البيت والمطبخ والشغل فيه عشان لايتعودون على التبلد وينحرحون مع ازواجهم واهالي ازواجهم عشان بناتكم لاتنكسر خطرهم ويفقدون الثقه في نفوسهم بسبب احتقارهم من اهالي ازواجهم ... لاتروح بنتك بيت زوجها الا وهي عارفه كل كبيره وصغيره
اسفه بنات طولت عليكم ولكن لازم ننتبه لأغلاطنا ونصلحها