امانه محتاجتكم ومحتاجه لدعواتكم

السلام عليكم
انا عضوة جديدة بالمنتدى واتمنى تعتبروني اخت لكم
تعبت من كثر مااني متضايقه ومحتارة بأمر نفسي ابي احكي لكم معاناتي بس اتمنى تساعدوني
وادري يمكن تعاتبوني بس اتمنى ماحد يحتقرني او يتلفظ علي اعتبروني اخت من اخواتكم وساعدوني او انصحوني والله العظيم ثم والله اني محتاجه نصيحتكم

انا من قبل فترة تعرفت على واحد وطبعا مستحيل يكون بينا زواج ولي معاه فترة طويله ماراح ادخل لكم بالتفاصيل كثير بس كان بيني وبينه مكالمات ومسن بس ومن النواحي الثانيه ماصار ولاشي بيني وبينه اكبر من المكالمات او المسن
المهم صرت احس بتانيب ضمير تجاه اهلي ونفسي وانا من عايله محترمه وبيت دين واهلي مايستاهلون يصير لهم شي بسببي بس ماادري وش طيحني بهالطريق وصرت احاول ابتعد عن هالطريق وكل ماابتعد فترة القى نفسي ارجع لنفس المواااال وارجع لهطريق
وصرت استغفر الله باليوم اكثر من الف مرة بنيه انه يرزقني بالحلال خوفا من اقع بالحرام واصلي باخر الليل وادعي ان ربي يبعدني من الطريق هذا ويستر علي دنيا واخرة وعلى بنات المسلمين


انصحوني والله محتاجه نصيحتكم وادعولي ان ربي يغنيني بالحلال ويملي عيني منه ويرزقني باللي يرضيني ويسعدني ويرزقني باكثر مما اتمنى ويبعدني عن طريق الحرام