المقادير
على كيفج
لحم او دجاج
بصل ( الكميه مفتوحه )
جزر مقطع حلقات
كوسه
طماطم
هيل
زعفران
بهارات مشكله
صلصة طماطم
ماجي او ملح حسب الرغبه بس ماي تطلع احلى
رز منقوع ومغسول
كويكر او شوفان
بس كمية الرز تكون اكثر من كميه الشوفان او اذا تحبين العكس بس انا اسوي كمية الرز اكثر من الشوفان ..
المهم الطريقه
لااااااااااااااااااااااااازم طنجرة الضغط تطلع احلى
تحمرين البصل في الزيت
تحمرين اللحم او الدجاج مع البصل
وتقطعين الجزر والطماطم والكوسه حلقات او مربعات مومهم وتشوحينهم مع اللحم
تحطين البهارات والزعفران والماجي طبعا او الملح
تصبين الماي كميه وفيره من الماء وما ننسى الصلصه صلصة الطماطم ونسكر على الضغط لعشرين دقيقه حتى تستوي اللحم او الدياي ..
وبعد ما تنضج اللحم او الدجاج نشوف طعم المرق كيف اذا ناقصه ملح او بهارات نحط ونزود عادي ونشيل العظام من المرق ..
ونصفي الرز من ماءه ونصبه على المرق ونحط الكويكر بعد ونحرك ونسكر الغطا لمدة خمس دقايق بس نار هاديه علشان ما تتلزق في القاع وتحترق ..
بس كمثال تقريب
اذا حطيتي دجاجه يكفي كوب من الرز ونص كوب من الكويكر والماء مغمور
وبعد النضج نفتح الضغط ونجيب خلاط البراون اللي هي عباره عن مسكه ونهرس المكونات بس مو وايد هرس خفيف تبين حبات الرز وما تكون ثقيله ولا خفيفه متوسطه السماكه او نضربه بالمضرب الخشبي ونهرس المكونات والبهنا والشفا . واخليكم مع الصور