اموري معسره بشكل غريب

السلام عليكم ، كيف حالكم خواتي ؟ 

خواتي و الله تعبت ، اموري معسره بشكل فظيع ، تزوجت بالموت ، كملت دراستي بالموت ، السنه الماضيه حملت بتوأم و اجهضتهم ، مره كنت ابي اطلع للبحر و اغير جو ، ما قدرت اطلع ، اليوم ابي اروح افطر برى مع صحباتي اغير جو ، قلت خليني اغسل العبايه و اجهز نفسي و نطلع قبل المغرب بشوي ، حطيت العبايه في الغساله و فجأه بطلت تشتغل و صارت تطلع مويه و خربت ! ، و صارت الارض كلها مويه ، و هاتك تنظيف ، و الله بكيت بكا ، حسيت اني مقروده على قولتهم ، كنسلت الطلعه و قلت خلاص طلعت من نفسي ، مع اني اللهم لا رياء اقرأ قران كثير ، استغفر ، اتصدق ، مو عارفه ايش اسوي ، مخي راح ينفجر ، تعبت كثير ايش اسوي ، يا رب رحمتك و لطفك يا الله ، قلت يمكن اهلي مو راضين عني و أنا مدري ، سالتهم قالوا الا راضيين عنك ما سويتي شيء ، مو عارفه وين الخلل !!!