استشعري حبي -----واغنمي قربي
عيشي معي يومي -----ضحكي مع لعبي
وامسحي دمعي -----وخففي المي
وارقبي سني ------بدئت بالكبري
%%%
امي ستبعدنا -----الايام والقدري
امي ستشغلنا ----مسيرة الدهري
امي ولن يبقى -----من رحلة العمر
الا صدى ذكرى -----من صفو او كدري
~~~~~~~~~~~~~~~
في الساعة الثانية عشر والنصف
رن جرس الباب بطريقة اعرفها
انها طريقة ابنتي في الصف السادس الابتدائي
فتحت لها الباب ورحبت بها
دخلت وهي تجر شنطتها
وتحمل علامات اسى على وجهها
سرت بجانبها وانا اتحقق من تلك العلامات واقرأها على ماذا تدل
جلست الصغيرة في الصالة
على غير العادة
سالتها ---خير متكدرة اليوم يعني
شكلك اتهزئتي
هزت راسها لا ونظراتها تود اخباري بأمر
غيرت السؤال
هاه والا هوشة في الساحة والا في الباص
ردت لاياماما
قلت طيب وليه متنكدة طيب
قالت ماما زميلتي حزنتني طول اليوم تبكي
قلت شكل السالفة طويلة
روحي بدلي ملابسك وتعالي
راحت بدلت واخذت كاس ماء وجات
قلت طيب وليه زميلتك تبكي ما سألتيها
قالت الا لكنها مارضيت تتكلم وكانت لابسة عبايتها
حاولنا انها تتكلم مارضيت
جات المشرفة الاجتماعيه واخذتها
وبعدين رجعت وهي ساكته بس انها بدلت مريولها عند المشرفة
في الفسحة سالتها اش فيك كنت تبكين وليه بدلت مريولك
سكتت شوي وبعدين سألتني انت جاتك الدورة
استحيت بس قلت ايه
قالت قلتي لامك
قلت ايه
قالت ماهاوشتك
قلت لا عطتني غيارات وملابس داخلية
بس اتهاوشني اذا ما انتبهت لنفسي وانا انطنط في البيت واتوسخت ملابسي
قالت تصدقين انا جاتني الدورة وخفت اقول لامي
اخاف تهاوشني
واحط مناديل واتوسخ مريولي
قلت وليه ماتقولين لها
قالت مادري امي ماتهتم فيني كثير واذا قلت لها شي هاوشتني وقالت اعتمدي على نفسك
قلت غلط لازم تعلم امها وهي تهاوشها لمصلحتها اكيد
المفروض في الصباح كان طلبت من امها فوط
قالت ماما اصلا هي تجي المدرسة وامها نايمه
وترجع وامها نايمه
تقول الشغاله تسوي لهم كل شي
قلت وامها
قالت مادري عنها
ماما حتى دروسها امها ماتعلمها شي تقول انتبهي في الحصة مع الابلة
قلت يمكن ماتعرف
قالت لاياماما
امها جات المدرسة نادتها الابلة مرة وماهي عجوز
حتى الابلة قالت ماشاء الله امك متعلمة
قلت اكيد عندها صغار مشغلينها عن الكبار
سكتت بنيتي وانا اعلم انها انشغلت بامر زميلتها
بعدها قالت ماما
تتوقعين امها تهاوشها والا تضربها
قلت لا بس اكيد بتزعل منها لانها ماعلمتها من اول وساعدتها
قالت يا الله متى يجي بكرة ودي اسألها
قلت اكيد امها تحبها وراح تجزن عليها
بكره قولي لها امك تحبك بس يمكن مشغوله وانت ماتعلمينها بشي
او انك تختارين وقت تكون متضايقة فيه وتكلمينها وتهاوشك
صح والا لا
قالت الا ياماما زيك اذا كنت مشغوله تفولين ممكن اروق وبعدين تكلموني (ياكثر اوقتهم الغلط )
~~~~~~~~~~~~
عزيزتي الام هل عشت امومتك الحقيقة
هل استمتعت بتبديل ملابسهم
بتنظيهم
هل شاركتيهم لعبهم وضحكهم
هل مسحت دومعهم وعلمت اوجاعهم
هل تمتعي معهم بحل واجباتهم ومذاركتهم
هل احببت اصدقائهم
هل عقدت صداقة معهم
الامومة علاقات
لاتفقدينها بالكدر والتذمر من الحياة
عيشيها لحظة لحظة وتمتعي بها
فاللحظات الراحلة من العمر لن تعود
