امي انا سالفتها للناس 💔

مساء الخير بنات اخباركم ؟ ..




مابي اطول عليكم امي ماتسولف الا فيني عند خالاتي ، انا هرجتها !! ...


يعني انا اجي بيت اهلي كثير وانام عندهم لان زوجي يسافر لأهله وانا مالي خلق اروح و ما ماعندي اطفال يدرسون ومامعي الا ولد واحد وصغير مايزعجهم المهم
هم دايم يقولون لي لاتتركين زوجك لحاله ومن هالكلام تخربين زوجك وكذا
المهم كل هذا متقبلته لان هم تهمهم مصلحتي


اللي يقهر يابنات ، ان امي ٢٤ ساعه تسولف على خواتها روان جتنا ونامت وانا اقولها روحي بيتك
روان نامت عندي روان راحت روان دايم تنام عندي وانا اهاوشها اقولها روحي مع زوجك لأهله الحرمه تتبع زوجها خلاص انتي تزوجتي


ومن يوم تزوجت ماقلت لها الا ٣ مشاكل واكتشفت انها تقولها لاختها لان اختها كل شيء تقول لها اياه بس ، طيب انتي واختك بحريقه سولفو لبعض وقولو كل شيء لبعض انتم حُرين ! .. شدخل حياتي تسردينها لخواتك
واللي علمتني اختي الصغيره تقول لي لاعاد تسولفين لامي عن مشاكلك ترا كلها عند خالاتي
ولاتجين كل شوي ترا امي بس تقول روان كل شوي تجيني ومن هالكلام
وقد كلمتها بهالموضوع ليش تتكلمين بمشاكلي لاختك ؟!!! وسالتني من علمها اصلا وقلت لها وفهمتها انه لاتسولفين بحياتي لاحد بتسولفين لأحد عنك بكيفك بس انا لاتدخليني !!


انا الحين صرت ما اقولها ولا حرف وماراح اصير زي قبل اجيهم كثير بنقطع فتره عنهم ماراح اجيهم الا كل اسبوعين ونص وحولها
شرايكم ؟




ووش الحل مع امي ؟ انا ما اقدر اورط اختي مع امي واقولها فلانه قالت لي صعبه مره مستحيل اسويها
مره منقهره من امي ليش كذا 😢 ! ، مع ان فيه خاله من خالاتي لها بنات معرسات يمين بالله وحده منهم سقطت وسوت تنظيف ولا علمت احد ولا امها ولا خواتها ولا احد لان بنتها قالت لاحد يعرف وسكتو بس عرفنا لان صار موضوع وللحين البنت وامها مايدرون اننا نعرف .. بس مره منقهره انا ليش امي كذا 😭