امي كلمتني وطالبتكم طلبه يابنات لاتردونها.. بعد عشره اكثر من 30 سنه هذا حالها!!

السلام عليكم ورحمة الله وبركاته

اصعب المشاكل اذا كانت بالاساس اكبر سعاده بالنسبه لك ..

الحمد لله عايلتنا كانت ينضرب فيها المثل من الجهتين .. اهل امي واهل ابوي .. من ناحية ابوي وامي وحنا (عيالهم)

امي شايله ابوي شيل وتقدره احسن تقدير لدرجة ملفته بين نساء مجتمعنا .. وابوي( كأغلب ) الرجال الشرقيين ان حب مايبين بالكلام بل بالافعال ..

ابوي انسان بالستينات الله يطول بعمره انسان فاضل رجل ذو اخلاق يشهد عليه الكل وايضا يضرب فيه المثل بالاخلاق الرفيعه والدين وحسن التدبير والحكمه وهو رجل ربى اجيال ..

طبعا هالنبذه البسيطه عشان احطكم بالصورة

بالفتره الاخيره وخلال زواج اكثر من 30 سنه ( ماشاء الله ) يعني خلال الاربع السنين الاخيره صار ابوي يسافر بكثرة لدولة عربيه بدون ذكر اسماء مع انه كان اكثر دوله يكرهها ولا يحب يسافرلها:35: بحجة علاج!

امي من عرفناها وهي معطيه ابوي الضوء الاخضر بالسفر من زود ثقتها وكانت هي بشرق والغيره بغرب لكن اصحاب السوء وما ادراك ما اصحاب السوء .. هو يجتمع يوميا من عمره مع اصدقاء معينين مثله مثل اغلب الرجال ووحريمهم صديقات امي وعرفت امي من وحده من الحريم ان كلللل الرجال ( اصدقاءه) متزوجين من هذي الدوله!! اللي متزووج مرتين وثلاث الى عشرين مره!!

وكانت تسمع اشكال والوان عنه بس كانت بين مصدقه ومشككه ( وغير متوقعه) الى ان لقت ورقة زواج بسيارته باسمه :( وطبعا مايحتاج اشرح الموقف .. يوم واجهته قال مو زواجي وهذي عشان صديقه مدري ايش المهم كلام غير مقنع ابددددددا رجع راضاها لكن صارت امي غير قبل صارت تشك وتغيرت من ناحيتة وصارت الصدمات تتووالى
مره تدق على جواله يوم سافر لذيك الدوله ترد حرمه تقولها امي انتي مين تقول اناا زوجته!!
يقول ابوي هذي لخبطة مكالمات وخطوط!!

مره ثانيه لقت ورقة زواج ثاااانيه واسمه واسم وحده ثانيه والختم عليهاا وكل شي
يقول هذي عشان صاحبة الشقه تبيني الا اتزوج وتبي تغريني بس ناقصها توقيع عطتني الورقه ولا وقعت .. الزبده كلام غير مقنع بتااااااتا!!
ويرجع يرضي امي ويحطها على راسه انتي الغاليه وانتي ام العيال يجيب القران ويحلف انه ماتزوج ولا راح يتزوج!

والحين جايب جوال وشريحه ثانيه غير الاساسيه يقول هذي احتياط اذا خرب هذا الجوال مع انه شغال وياخه بكل مكان معه وقبل امس امي لقت رسايل فيها لحرمه ويقول انا ارتحتلك لادبك واخلاقك وحبيتك ومادري ايش ويوم واجهته امي قالها يمكن احد من اصحابي رسل منه !!

وحاليا امي طفح فيها الحيييل مره ومايحتاج اوضحلكم الشعوور كيف اذا حسيتي بعد هالعشررره كلها يسوي كذاا شي م هين ابدا المشكله موو معترف وامي تقول احس انه يستغبيني كني بزر يقولي اي جوووواب واخر شي كلمته قالتله انا فكرررت كثير ولقيت انسب حل انه اعيش انا بحالي وانت بحالك وابوي يحاول معها ويقولها انتي اقرب وحده لي وكيف تشكين فيني لو ابي اتزوج اصلا تزوجت من هالديره ليش اروح لاخر الدنيااا يعني كلامه كلام انسان مستحيل تشكين فيه بس الافعاااااال غيرررر والاوراق والاثباتات تدل انه متزووج وامس دق دكتور من ذيك الديره بنفس الوقت اللي امي كانت تتناقش معه وقالتله خليه على الاسبيكر .. وخلاه على طول ذاك الدكتور قال فلانه (اللي كان اسمها مكتوب بورقه الزواج) شايله رحمها!!! قام شال السبيكر ابوي بوقتها ويوم قفل قال لامي لا ذي مرت واحد من اصدقاااي يعني بالله وش دخله الدكتور يدق على ابوي يقوله اذا زوجة صديقه؟!

والحين امي تطلب منكم حلل لوضعها خاصة انه فيكم الخبيرات والعاقلات والحكيماات واللي مابيدها حل دعوه من القلب انها تصلح الحال وتهدي ابووي وتسخرهم لبعض