صرلي سنتين متزوجه وما هديت ولا صلت عالنبي وبعد شهر من زواجي وبعد زنها على ابوي لانو زوجي تاخر لحتى خلص موضوع العذريه..المهم زنت على ابوي وقالتله يروح على بيت اهل زوجي ويفههم ويعاتبهم واخبرهم كلام جارح وان زوجي طمعان بفلوس وسيارتي ((لانو زوجي كان مستعير سيارتي)) واشياء فاضيه وبالاخر تطلفت بسسببها وبسبب زنها عل بابا ((وللعلم بابا علطول بيسمع كلامها))
وتوالت المشاكل بحياتي والسبب هي والسبب الرئيسي انها ما تحب زوجي وبتحب دايما تبين انو زوجي بيعمل حركات تغيظها مع انو والله ما بيغلط معاها وهي بترمي عليه كلام ما حدا يستحمله بوجهه ومن وراه...وغير سوؤ الظن اشي زوجك بيضحك عليكي بكل شي اشي تقله انت وعدتنا تشتري بيت وما اشتريت وتفتح معاه قصص من ميتسن سنه المهم انه ما تهدى وهاد اسلوبها....
مش رح اطول بالسيره عليكم رح احكيكلم بس اخر قصه وانت حكمو...
امي سافرت وبابا ظل بالبلد هو واخواتي وعزمتو مره انا وزوجي عالغدا عنا واللاسف اللحمه ما استوت وطلعت بسواد الوجه وفتح معي الموضوع بابا طبعا بس رجعت ماما وقعدنا نتخوت وقالولي عااااااادي وتعلمي الطبخ وان شاء الله بعدين بتزبطي وكانو ما في شي وقعدو يضحكو علي والموضوع اتاخد بالضحك والمسخره ..واجت امي من السفر وعزمناهم عزيمه اخرى بمطعم وكان اوكي..
اللي بعده ::
احنا كل جمعه بنروح رحله على بحر وكل واحد بجيت اغراض وانا دايما بجيب الدجاج حسب طلبهم اول مره جبت الدجاج كبير وما استوى والمرات اللي بعدها صرت اجيب صغير ويطلع طيب وبياخد العقل وبسوي كمان كتسالي كيك العلالي على شوكولا او برتقال لانو بحبوه ((اسفه عالتاخير))
ومره بابا قلي سويلنا كيك غير هالنوعيه قلتلو حاضر المره الجاي..من عيوني
وبعدين:::
بيت اهل زوجي مش كويسين معي وانا دايما بعزههم وعزمتهم عزيمه كويسه والحمد الله استوت اللحمه وكل شي تماما وكنت جاي عند امي احكيلها الحمد الله العزيمه طلعت كويسه لقيتها ماده بوزها وتقلي سويتيلهم لاهل زوجك طبختيلهم عملتي زي ما قال زوجك وانا مستغربه وطنشت الموضوع وقلت الله يستىر شو مخبيتلي ....
تاني يوم كان عيد ميلاد بابا قلت لامي رح اجبلو قمصان من براند انا بحبو كتير ورحت جبت قميصين ب 95 كانو عاملين تنزيلات وبنطلون جينز ب 155 وكيكه الي فرانس ب 155 وفرحانه بحالي ورايحه بيت اهلي وحطينا شموع وغنينيا وعطيت ابوي الهديه ولكن للاسف ما طل عليها وقال لاخوي الصغير حطبها بالغرفه ...قلتلو قيسهم عشان اشوفهم عليك كبار ولا صغار قال : لا ..هاتي الفاتوره انا برجعهم
انا استغربت وطبعا ماما تطل بطرف عينها تقول مبسوطه
القصه الاصليه:::
تاني يوم رجعت من الدوام وعلى اعتبار انو اهلي معاهم كوبي عن مفتاح بيتي لقيتهم مرجعين الكيكه ((نصها)) داخل ثلاجتي وحاطين كيس هدييتي
ولما دقت على ماما سالتها قالت ما بعرف اسالي ابوكي ..سالت ابوي اللي علطلول يسمع كلام امي وقال (((( انا عملت هيك لانك تبققلي من قيمتي طبختيلي مره لحمه مش مستويه ...سوييتلي بالرحله دجاج كبير .. سويتيلي كيك ما احبه...وجبتيلي هديه لا تليق بمقامي ))
طبعا هاد كلام ودز من امي علي..غارت لاني عزمت اهل زوجي....وراحت زكرت بابا بها القصص مع اني اخبركم انو هديه عيد ميلاد ابوي السنه الماضيه ((تريننج سوت)) من ADDIDAS ب 200 وشوي واللي قبلو تكرمون جزمه من براند ب 250 واخدهم وكان طاير عقله فيهم ... بس هاد دز امي وانا متاكده لان بابا اصله ما شاف الهديه كيف حكم انو مش مستواه وعلى فكره انو قلتلو اجيبلك هيك من هون او هيك وكلو هدايا ب 700 واكثر بس ما رضى...
شو اعمل بامي كيف اعاقبها انا تعبت منها ومن حركاتها انا يا جماعه بنتها مش ضرتها بتحمش اخواتي وابوي علي وبتعمل مشاكل مع زوجي وتتخانق معاه تعببببببببببببببببت ومن يوم مكامله ابوي قلتلتو بدك شي قال لا قلت مع السلامه ومن هداك اليوم ما حكيت مع اهلي ولا زرتهم وصرللنا اربع ايام يا جماعه ما عدت طايقه اشوف اهلي من اللي عملو فيني طلاقي من زوجي مره بسببهم ولما رجعت لزوجي ضربوني وطردوني .....,ميتين مره على اشياء سخيفه يطردوني من البيت ويسمعوني كلام مقرف ...خلص مليت شووروا علي يا بنات شو اعمل انا تعبت..اللي يجزا اللي ترد علي بكلمه بالجنه ويجعلها حوريه بعين زوجها
((( الرجاء عدم الخروج عن الموضوع بفتوى عن تحريم الاحتفال بعيد الميلاد لاني بعرفها))