امي واختي <<<سارو اعدائي ><><><

السلام عليكم

يا اخواتي والله انا مره زعلانه من اللي امي تسويه فيا :icon33:

انا اكبر وحده في اخواتي وانا اللي معتمدين عليه في كل شي حتى الاشغال اللي مفروض اخواني يسوها انا اللي اسويها احنا ايتام ومالنا غير الله

كنت في المتوسطه ما اهتم في شي ولا كنت احب الدراسه لكن عشان امي اتغيرت ما حبيت انو اهل ابويه يقولو اخدت العيال وماعرفت تربيهم ذاكرت واجتهدت اللين خلصت الثانوي واللين ما اتخرجت وانا خلاص شويه بموت من كثر الضغط اللي عليه حتى في سنه ثالث كنت اغيب كثير والمعلمات عارفيني انو انا ماكنت كدا نفسيتي تعبت انهلك

البنات اللي قدي مهم شايلين مسؤليات زي امي مريضه وماتقدر تعمل شي لكن هيه دايما تطلعني غلط

تخيلو امس كنت بروح المكتبه مع اختي وهيه ماتبى تيجي معايه وانا اصريت لانو انا دايما اللي يطلبوه اسويه والله العظيم رحت معاها على المكتبه وهيه مره بعيده عن بيتنا وانا في قمة التعب كنت شويه واموت لكن رحت معاها اخاف عليها احبها ما احب احد يغلط عليها لكن هيه العكس دايما ضدي :icon33:

ويوم ما اصريت انا تجي معايه قامت سبتني قدام امي ولمن خاصمتها امي ردت عليه كل الكلام وجالسه تهددني احسلك لاتسوي احسلك لاتعملي والمشكله انو اختي للي بدات في قلة الحيا وامي دايما كده تدافع عنها رغم انو اختي لسانها زفت وتجلس تسبني وامي معاها واقولها انتي شايفتها تسبني بدال ماتخاصميها هيه جالسه تسبيني انا :icon33:



مررررررررررررره سرت مستغربه قمت زي المجنونه اصرخ وانا ما احب اتكلم مع امي زي :icon33: لكن هيه تعمل اشياء غريبه وعجيبه

اختي هادي دايما اخلاقها زفت معايه تخيلو مره سارت مشكله بيني وبين وحده في المدرسه قامت قالت انتي غلطانه بالرغم من انو هيه عارفه انو البنت غلطت :44:

والحين في الجامعه شافت وحده من صديقاتي اللي في الثانوي وخبرتني وانا فرحت قلت لازم اشوفها قامت قالت هذا اذا عبرتك ولا اعطتك وجه بالله انتي ايش دخلك عبرتني ولا لا انا وهيه صاحبات نصطفل مع بعضنا

لمن ماتبى شي مني اعملها هو ولكن لمن اطلب انا تطلع الف عذر ><


والله مني عارفه ايش اسوي وين اروح ايش اعمل ماعندي احد غير الله امي دحين زعلانه وكل شويه تسبسب فيه وانا عارفه انها ماتحبني اصلا من يوم ما اتولدت حتى هيه حكتني قالت لمن ولدتك وجابوكي ليه عشان ارضعك مارضيت تخيلو ليش لاني كنت اسمر من اخويه اخويه الكبير ماشالله كانه لبناني وانا على قولها سمره ولمن شافت انو في شبه بيني وبين خالتي اقتنعت:mad: يعني لازم كلنا بيض عشان تقتنع اني بنتها :icon33:


وربي راسي يعورني الحين اختي الوقحه هادي كيف اتعامل معاها مدري اشبها كده رغم انو هيه احسن مني في اشياء كثيره لكن عمري ما اتقهرت منها ولا عاملتها بسؤ وامي ايش اعمل معاها


لاتدعو على امي ><