امي واخواني والعيد

بنات امي في صف عيالها حتى لو غلطانين وياويل الي يسبهم والا حتى ينتقدهم
تعصب وتحول علينا يالبنات انتم وانتم وتطلع العيوب البسيطه

انا اشوف خواتي مايقصرون ونفعتهم لامي وابوي زينه البيت عليهم

والعيال اكل ونوم وسوني هذي وظيفتهم

حتى الغاز لاخلص قالت للبنت روحي شيليه وحطيه بسياره ابوك

طيب والي كبر الباب ذا ليه مايحرك عضلاته ويشيل قسسسشم مقهوره بشكل

اربع ماشاء الله واحد مخلص ثانوي ويستنا وظيفته
والثاني بتوجهي خلاص
واثنين بلمتوسط

حتى سواقه مايعرفون يسوقون اول لان ابوي خايف ع سيارته ماعنده غيرها مايقدر يعلمهم عليها
ومسكين خااايف عليهم وشيال هم درجه اولى قلق وتفكير يكسر خاطري
احيانا مايرقد الا بعد يومين ارق

المفروض يرتاح كل شيئ عليه ومعتمدين اعتماد كلي

خواتي خمس وفي البيت بطلو الكليه ماكملو كله علشان مايتعبون ابوي ويوصلهم رايح جاي انتساب ماعندهم مكافاءه علشان ياخذون باص

وهالاخوان لو كلمتيهم نافخو عليك مع ان احنا البنات الكبار

وامي حتى لو ابوي هاوشهم دافعت عنهم

وانا اذا هاوشت نفس الكلام ولا تقولون كلميهم بلمسايس خواني واعرفهم جربت كلمت الكبير بالواتس اب وقال صح وانا وانا

عاد الثاني مستفزززززززززز بدرجه ماتتخيلونها

المفروض يدهم بيد ابوي اذا مافادوه الحين متى يفيدونه

واذا جاء عندهم عشاء عزومه

يدخلون غرفتهم سوني والكبار ع جولاتهم استغفر الله

الثاني يصب القهوه لرجال ويرجع للغرفه 😡

اول احتد النقاش مع الكبار انا عصبت
المبير يقول شيبان ومدري وش قهرني يقول لابوه شايب متاثر ببرامج الطقطقه

ويقول المرجله اني اصب قهوه واسولف مع الرجال المرجله اني اذبح واسلخ ويستهزاء
عادي ودوها للمصلخ مية ريال ولا تسون لي زحمه

هو مافهم المبداء وتهاوشنا وانصدمت في تفكيره وانقهر يوم يقول شايب ويتهزا

الغلط من امي الي شايفتهم ملاك واحنا يابنات ✖
وابوي نقطة ضعفه هالعيال وخصوصا الكبير مرررررره

وانا نقطة ضعفي ابوي ماقدر يابنات اي احد يغلط تلقون دمعتي تسبق هواشي

امي اول تدافع عنهم وتغلط ابوي تقول المفروض هو يعلمهم وابوك غلطان وووو تسب قدامهم وهم فوق روسهم نبتت نخله

عكرو عيدي وامي زعلت علي مع اني ماكلمتها كلامي مغ العيال هي الي ثارت وقالت نشوف بكره عيالك تعلمينهم والا لا

انا هواشي لهم ابغاهم يذبحون عن ابوي يساعدونه ع الاقل. راحو اثنين وساعدوه

بس يقهرون مساعدتهم يوقفون ويسوون الي ينطلب منهم وكل سنه كذا

المفروض هم يشوفوت ويطبقون

مدري علشانهم ما انولدو الا بعد البنات وتعقدو من البنات والله مدري


انا ماهوشتهم الا ابغى مصلحتهم ماشاء الله رجال .....في الديره اصغر منهم وماشاء الله مع ابهاتهم

لمتى وامي تدافع عنهم المفروض تايد كلامي مو تغلطني قدامهم وكانهم ملائكه نازله
بينفعهم وبينفعون ابوي

وامي واعرفها علشان ابوي ماودها السوق البارح قالبه عليه ولجاء شوي بتهاوشه وتعصب عليه
مع انه موديها قبل يومين ومقضيه بس تبي كم غرض مو لازمين مره بس كذذا عصبت

بس كذا تعودت ماتعذره ابداً ابداً. الله يهديها يعني كلنا عارفين موضوع السياره وان ابوي لسببين ماخلاهم يسوقون
الاول سيارته ماعنده غيرها مثلا صار فيها شيئ ع ايش نروح
الثاني مامعه يجيب لهم سياره
ثالثه مقطع قلبه الخوف عليهم


والكبير يغلط ابوب وان هو مافي مثله يقول ليه مايعلمني ليه ماقالي جبت الاضحيه تعال ساعدني😳 بالله مو المفروض هو عارفه انه اضحى !!!! بدون محد يقوله يفز
وامي معه ع الخطططط


وماقدر اكلم امي لو كلمتها اعرف نفسي تخنقني العبره ع ابوي وانا ادافع وارفع صوتي علشان ماتبين هالنبره

كلامي ملخبط بس من القهرررررر