امي وطبعها الغريب

بنات امي انسانه غريبه بشكل اقسم بالله
تعبنا منها انا وخواتي 
موب موظفه لكن تسوي اكل شعبي وكذا
وتبيع وتتعب فيه توقف على رجولها
لليل احيانا
وين المشكله امي نظامها تبخل على نفسها وعلى خواتي
لو يبون شي مثلا تبي تشتري شي
تبي اختي كوفي 
تبي اختي فلوس طلعه 
امي تطردها تقول ماعندي 
او امي ترفض تطلع طلعات اقاربي
بحجة قطه والقطه كثير ولا معها
لكن امي كريمه مع الناس للاسف
بشكل ميالغ امي كريمة لدرجه
الاستغفال 
اقسم بالله امي طايحه بصديقات
قديمات كانو معها واغلبهم موظفات
لكن تجي مثلا وحده ترسل لامي
خلينا نشوفك ودي اعزمك بس بيتنا
صغير وهالكلام يعني توضح
تجي امي تقول انا بعزمك بكوفي!!
انا بعزمك بمطعم!!
امي طايحه بهالحركه تعزم 
حريم الناس على حسابها ويطلعون
يتقهون ويتعشون واحيانا فاتوة القهوه
٣٠٠
على حسابها ولا يفكرون يقولون قطه
او انا مره وانتي مره
مبسوطين
لاقين احد يقهويهم
اول مره سكتنا قلنا كيفها عزمت
صديقه لها
وذيك بكل وقاحه مع انها موظفه
ماقالت لامي خليه قطه
والحين ثنتين وحده دخلت على امي
خاص بالواتس قالت ودي اشوفك
بس انا عند اهلي وبيتنل صغير
قالت امي خلاص بعزمك انتي وفلانه
بالمطعم الفلاني!!
انا انفجرت بامي
قلت ليش هم مايعزمونك؟
ليش دايم انتي تتكلفين للناس
قالت هي ودها تعزمني بس بيت اهلها
صغير
قلت فيه شي اسمه كوفي مطعم
اقلها تقول قطه بيننا
قالت امي لا مستحيه اقول قطه!!
امي اخذه الوضع
عزايم وتستحي تقول قطه
كل شي عليها وهم مايستحون
مايقولون موب موظفه ماعندها
هذا غير اذا راحت بيتهم
تاخذ من احسن المحلات حلى ومعجنات
ولا موالح وورق عنب وكبه
فوق ٢٠٠ كل ماراحت
عجزنا عنها نقول هذاهم يجون
عندك
مانشوفهن جابو شي اقسم بالله
يذخلون يد وراء ويد قدام
ىوحده زي امي اسر منتجه
مره امي طلبت طلب منها 
واخذت حق تعبها يعني ماقالت
لا فلانه اعرفها لا 
اخذت فلوسها اخذت حقها
وامي صديقتها
امي للاسف وصلت مرحله الاستغفال
تركض للناس وتكبب فلوسها للناس
غثننا بهالناس وكل ماطلعت طلعه تجمع
الحريم توصلهم بيوتهم!!
على معي او مع اختي تجيبهم وهم عيالهم
مرتاحين ويجون معها يوفرون عشان
مايطلبون اوبر للاسف
امي كلن مستغفلها لكن هي مو حاسه
بنفسها
مهمها نهاوش مهما نفهمها ان اوكي
اطلعي وروحي لكن لاتصيرين كذا
مغفله مع الناس ماشوف احد صلح لنا كذا
ماشوف احد خدمنا كذا
قبل نسوق فيه ناس معهم سواقين
ولاًيقولون لنا تبون نوصلكم؟
وامي للاسف حاطتنا سواقين للناس
تعبت اقسم بالله تعبت منها
هذا غير الصرف والهدايا اللي
تسويه للناس