السلام عليكم ورحمة الله وبركاته
لاعلم اهي الدنيا تغيرت ام نحن ....
اوهي الدنيا تحجر قلبها ام نحن ....
لاعلم مالذي حصل بالقلوب ولاحتى العقول .....
آآآآآآآآآآه ه ه ياقلبي ماذا عساني اقول .... اعلم انك تعبت من طعن القريب والصديق والحبيب لم يرحمك احد...
آآآآآآآآآآآه ه ه ياسواد عيناي ..... اعلم ان سوادك قد ابيضت من كثر البكاء ....... ماالذي بيدي افعله سوى الدموع ...
ابداء بحديثي واهاتي
انا ياخواتي كتبت قصتي في هذا المكان قبل اشهر ووجدت التفاعل الكبييرررر .... فجزاكن الفردوس الاعلى من الجنه ...
انا انسانه ملتزمه بعبائتي وقفازاتي ولبسي الساتر ولا اسمع اغاني وكل هذا من فضل ربي ونعمته علي الحمدلله حتى الصداقات عبر النت لا احببها وللشروووووووووووووووووووووووووووووووووووووووووووط منضبطه جدا ولا صادقت بحياتي ابدا عن طريق النت واذا احد لا اعرفه طلب مني اضافه عن طريق المسن ارفض على طووووول من غير تفكير وجاني الكثير ورفضت وكل الهدايه الحمدلله نعمه من ربي وبفضله والصداقه عن طريق منتدى عالم حواء بشروووووووووووووط عاليه عندي وبحدود ضيقه جدا ورغم هذه الشروط اللي وضعتها على نفسي والله لم اطلب من احد صداقه ولم ارحب بصداقه رغم طلب البعض كله خوفا من اني افتن وتوقفت فقد للكتابه بهذا المنتدى دون تعارف وحتى المنتديات المختلطه لا اكتب بها ابد اتصفح فقط
المهم بمااني انا الوحيده من اقاربي لم اتزوج وانا في اوخر العشرين وجدت من الناس
موااااااااقف تهد الجبال اذكر بعضها
ـ وحده والده تتصلين عليها تباركين لها وتدعين للمولدها وتحمدين لها بالسلامه وش تقول اه احمدي ربك انك ماتزوجتي كان تعبتي مثلي بالولاده وش ردة فعلك وقتها
ــ وحده اصغر منك تسولف لك عن خطبتها وتسال عن رايك وانتي كل اللي قلتي لها اسالوا عن صلاته واستخيري وتلح وش رايك وانت تقولين مااقدر اقولك شي استخيري وشوي تسحب كاستك اللي قدامك كنت تشربين منها شاي وتشرب منها وتنظر لك وتتبتسم خافت من العين وجالسه تاخذ من اثرك قدامك وبكل خبث وياليت اللي تقدم لها سنع فقير ونفسه بخشمه ولا وانتي انخطبتي وانتي صغيره ووكنتي بعمر اقل من بعمرها بس اهلك يرفضون وتدري هي انك تنخطبين وش تكون ردك فعلك
ــ ووحده تسولف عن زوجها وانتي ماسالتيها اصلا وانتي حريصه تقولين ماشاء الله تبارك الله لاقوة الا بالله ومن قلب وتسمعك وشوي تسوي نفسها ماتدرين تاخذ فنجالك من قدامك فاضي وتصب فيه وتشرب عشان تاخذ من اثرك خافت من عينك ويوم انتبهتي ابتسمت ابسامت خجل وقالت انتي خوذي فنجالي وانا اخذ فنجالك نتبادل وش تكون رد فعلك وقتها
ــ ووحده تسولف عن وحده تزوج عليها زوجها ثم تنظر لك بكل خبث وتبتسم لو ندري ان يبي يتزوج على زوجته كان زوجناكيها يافلانه وش تكون ردة فعلك وقتها
ونفسها تسولف عن واحد تقدم متزوج للوحده ورفضته ثم نتنظر لك بكل خبث والابتسامه المعهوده وتقول وش رايك تتزوجينه وش راح تكون ردك فعلك وقتها
وايضا بعد هي نفسها تسولف عن واحد طلق زوجته وتزوج ثم نتنظر لك وذي الابتسانه ماغيرها بخبثها ثم تقول ماتاخذينه يافلانه وش تكون ردك فعلك وقتها
وياليتها عند زوجها هي تزوجت وتطلقت وهي بالثلاثين والحين بالستين ماتزوجت وكانوا الرجال قبل على قفاء من يشيل وماتزوجت والحين تعيريني وقحط بالرجل الصالح
ــ او حده موصيتها وحده تدور للولدها يبي الثالثه وشايب بالخمسين او اخر الاربعين وقدام الناس كلها وبجمعه تقول لك يافلانه ماتاخذين على حرمتين وانتي وقتها عمرك 27سنه ولو انه بنتها مارضت لها ولا حتى فكرت ولا تقول قلت للحرمه تبون بنت قريبي مسويه خير وش راح تكون ردة فعلك وقتها
انا بالنسبه التزم الصمت وانتضر ادخل غرفتي واقفل وابكيييييييييييييييييييييييييي يييييييييييييييييييييييييييييي يييي واقول معقووووووووله اتزوج واسكتهم الله يفرج لنا
ولا تقولين بعيدين والله انهم قرااااااايب من اخت امك واخت ابوك او صديقتك عمرك
وقتها احس اني ضااااااااااااااااااااااااااااا اااااااااااااااااااااااااااااا يعه بما تعنيه الكلمه
كل هذا يهوووووووووون عند الموقف اللي امس
امس اكلم صديقة عمري وقريبة وجنا طاري المسن قالت يووووووووه من زمان عنه مادخلت محمولي خربان المهم قلت ادخلي عن طريق جوالك قالت مافي شبكه قلت جيرانكم ماعندهم شبكه قالت مقفله سكرت منها كالعاده باليلل انت نت من صحف لعالم حواء لاخبار للمسن وهكذا فتحت المسن ووجدت رساله على الايميل من قريبتي وصديقتي اللي كنت اكلمها قبل قليل واستغربت كيف مرسله وهي ماعندها نت وتوها قالت لي فتحتها لقيتها فاااااضيه مابها شي ارسلت لها انتي ارسلتي لي رساله على الايميل ارسلت لا انهبلت ودقيت عليها قلت كيف لا اجل من مرسل اذا انتي مارسلتي قالت يووه لايكون زوجي رجع يغازل "هي امسكته مرتين يغازل" او انه يمكن مسروق قلت يووووووووووووه لايكون طلب الاضافات اللي تجيني بالهبل ووسخه لان ايميلك مسروق"لان اشوف ملف التعريف قبل عشان اذا اعرفه اضيفه واذا لا مااضيفه ومن ملف التعريف اشوف صورهم وسخه و اباحيه اعوذب بالله" قالت افتحيه واعطتني الرقم السري وهي على الخط وفتحته طلع مو مسروق وقالت خلاص بروح انام وسكرته وماعرفت منو اللي ارسل الايميل ولا فهمت وش سالفته بس اطمئنيت انه ماانسرق وانا بقيت جالسه على النت ومفتوح المسن وبعد ساعه وانها واحد يدخل باسمها وقال مرحباااااااااااااااا خفت انا قلت اجل مسروق هي ماعندها نت ولا رديت ودقيت على طوووول عليها قلت فلانه واحد دخل باسمك ويقول مرحباااا انتي قالت لا بثقه قلت وانا خااااايفه "لان مابي ادخل بمتهات النت واسرقه والتجسس" اجل منهو وش اسوي دبرني وش ارد عليه ويوم شافتني خايفة تخيلوا وش ردت قالت انا اللي قلت مرحباااااا ضليت احاول بجوال زوجي للين دخلت وجلست ابي اناقشها وصرفتي قالت يالله يالله مع السلامه قبل لا يطلع زوجي من الحمام روحي للمسن نسولف سكت وسكرت انتظرتها على مسن كثير هي موجوده بس ماردت للين طلعت لو كنتي بمكاني وقتها وش تكون ردة فعلك
وجلست احكي بين وبين نفسي حستت انه اختبار لي وين اللي اللي تقول ابنام وين اللي تقول ماارسلت ايميل استغفر الله
آآآآآآآآآآآآآآآآآه
صديقتي عمري مهلا قفي أتعلمين ماهو حجم جزني ووجعي الذي اصابني بسببك اتعلمين ذلك ؟؟
لماذا لا نحاسب انفسنا وافكارنا الشيطانيه ؟..ياصديقة عمري اذا زوجك يعاكس أذن مااااااااااااااهو جرمي تختبرني لاجل انه لم يحتوين رجل افكر بخطف زوجك مثلا...لماذا لا نفكر الا بانفسنا ومشاعرنا فقط ؟...ياصديقتي عمري لا اريد الكثير ااريد احترام المشاعر فقط ...اطمئني لن ولن وبإذن الله اعصي ربي لاجل رجل يحتوي بالحرام لم تقف الدنيا على رجل وماخلقت لهذا ابدا.... ياصديقة عمري اطمئني سياتي يوما وقريبا بإذن الله ازف الى رجل ملتزم يخاف الله ...سياتي هذا اليوم قريبا وسترتاحين من افكارك الشيطانيه تجاهي وتنامي هانه مطمئنه ... ياصديقة عمري اذا بينك وبين زوجك مشاكل تحدث بكل بيت وزجك يشرب السجائر بكثره وعصبيته منها وانتي ابتعدتي عن الله وهذا هو سبب مشاكلك وليس العين التي تدعين انها السبب كل ماقمتي وجلستي للدرجة انك ستبتعدين عن المجتمعات كلها خوفا من العين احترمين طيب حتى للدرجة قلت لك خذي من اثري للننتهي من قصة هذه العين ...
ياصديقة عمري اعلمي ان ضربك ليس كضرب غيرك فارحمي ضعفي ....
لاحول ولا قوة الا بالله اللهم اجرني بمصيبتي وعوضني خيرا اللهم فرج لي عاجلا :44:
واللي يخطر ببالها سبب لقبي للتفأل عزيزتي بان الله يرزقني ببكري بتوم اسميهم تاله وزياد
ام تاله و زياد @am_talh_o_zyad
عضوة نشيطة
يلزم عليك تسجيل الدخول أولًا لكتابة تعليق.
اسال الله ان يرزقك الزوج الصالح المحب لكي وان يعوضك عن كل الامك واحزانك ويرزقك التوأم امين ودوائك اخيه صلاه الليل
هونيها وتهون كلنا تصير معانا هالمواقف أتأثر في البدايه بس بعدين أطنش لايهمونك الناس أدعي ربك أن يرزقك بااللي يجبر بخاطرك
الله يعينك ويصبرك والله أنا مواقف أخف من كذا ماقدر أتحملها أتكلم مع نفسي من ثقلها على قلبي حبيبتي خوذي بالاسباب الأستغفار والصدقة وقيام الليل وصلاة الضحى وأدعي الله اسأل الله أن يرزقك الزوج الصالح ويكفيك شر هؤلاء النسوة وأن يرد كيدهن بنحرهن وأدعي بصلاتك ياربي أكفيني أياهن بما تشاء وحاولي تبعدي عنهن مالك حاجة فيهن بس يجيبن الغثاء حسبي الله ونعم الوكيلالله يعينك ويصبرك والله أنا مواقف أخف من كذا ماقدر أتحملها أتكلم مع نفسي من ثقلها على قلبي...
الله يجزاك خير اختي بس شي يقهر ويكسر الظهر انها تظن بي سوء الحمدلله ماتوصل اني اغازل زوجها ليه الله يسامحها
والله لها قدر بقلبي
والله لها قدر بقلبي
اسال الله ان يرزقك الزوج الصالح المحب لكي وان يعوضك عن كل الامك واحزانك ويرزقك التوأم امين ودوائك اخيه صلاه الليلاسال الله ان يرزقك الزوج الصالح المحب لكي وان يعوضك عن كل الامك واحزانك ويرزقك التوأم امين...
الله يجزاك الجنه اختي
دعواتك
دعواتك
الصفحة الأخيرة
والله أنا مواقف أخف من كذا ماقدر أتحملها أتكلم مع نفسي من ثقلها على قلبي
حبيبتي خوذي بالاسباب الأستغفار والصدقة وقيام الليل وصلاة الضحى وأدعي الله
اسأل الله أن يرزقك الزوج الصالح ويكفيك شر هؤلاء النسوة وأن يرد كيدهن بنحرهن
وأدعي بصلاتك ياربي أكفيني أياهن بما تشاء
وحاولي تبعدي عنهن مالك حاجة فيهن بس يجيبن الغثاء
حسبي الله ونعم الوكيل