ام جديده وبنتي دشت الرابع ولكن؟؟؟

اهلين بكم ياخواتي وشكرا على الدخووول
انا ام جديده وعندي بنت ربي يحفظها لي اللهم آمين
المهم بنتي محيرتني بعدة امور وانا مادري شاسوي لها احيانا ابكي
احس اني ما اصلح اكوون ام لان بنتي مو مثل الباقي
هي طبيعيه والحمد لله لكن في اشياء لازم تصير وما تصير لها
1-مثلا رقبتها للحين ما ثبتت للحين تتهزهز ؟؟
2-ما توقف على رجولها كله تبي تقعد ؟؟
3-ما ترضى تنام على بطنها ولا ترفع رقبتها؟
4-وللحين ما انقلبت واحاول اساعدها تصيييح احسها تتعب؟؟
ا5-لحليب اشوف من دشت الرابع ما تبي تشربه المفروض خمس رضعات تشرب اربع ومو ل150
يالله يالله تشرب لي100 بالغصب اشربها شرب..
6-الخروج عندها تتبرز مره وحده بس وبرازها مره اخضر ومره اصفر ومره مختلط وريحته لووعه
سمحو لي ... وكله صاير لين مو يابس شوي يعني تتلعوز ويوصل لجداام واتعب وانا انظف
فتحات قداام صوب البول والبكاره اففففففففففف ..
7-وجها طلعت به حساسيه ومو راضيه ترووح كل اليهال تروح هذي ملزقه بها ما ترووح
اخاف تظل معها للابد مادري شاسوي لها؟؟
8-مو راضيه تمتن الكل يقول ضعييييفه حرااام ما تاكلينها ؟؟ انا افووووح في ام تحرم بنتها من الاكل
انا اتمنى انها تمتن بس شاسوي هالي ربي كتبه لي ما اقدر ارضعها من صدري ؟
9-وحلجها ريحته خايسه مو حلوه لسانها يالمها كله تطلعه لبرى؟؟ كان ابيض بس خف شوي
وهي للحين تطلعه لبرى شريت المرهم الي يحطوونه باللسان بس للحين هي تعاني من الكاث ؟
وهالريحه الكرييه بالحلج؟
10-شعر جسمها ماطاح ياربي كل عيال الناس يطيح الا هالبنت ما طاح بكتوفها وظهرها ورجولها واذنها كل مايطوف شهر يقولو بيطيح لا تستعجلين ولاشفنا حاجه؟ اخاف يتم معها للابد وتصير مشعره ياحراام

11-والي مقلقني ومو مخليني ارقد بالليل هييييييييه هييييييييييه من قلب
اول ما جبتها كنت البسها كبوس (قبعه) عشان لا يحوشها برد يوم فزيت من النوم
وطليت عليها تخيلو شنو شفت؟؟ الكبوس واصل لخشمها ومو قادره تتنفس ؟؟
رميته رميه الكلاب ولاعدت البسها كبوس وقت النوم
ولين صارت شهرين كنت امهدها وبنتي ماشاء الله بدت تحرك يدها وتبي تطلعها من المهاد
ويوم من الايام شفتها المهاد مبطل ومغطي وجهها ؟؟ ياربي سترك زين لحقت عليها
ولامدري وش بيصير لها؟؟
الحين عمرها اربع شهور صرت الحفها بفراش يارب صارت تمسك الاشياء ما تهدها
والفراش تمسكه وترفعه على وججها كم رمره شفت هالحركه الصبح وهالشي خلاني ما انام بالليل وكله افز من الخوف ؟؟ لا تغطي وجها صكيت عليها الفراش صك لفيته لي تحت المطرح
الي تنام عليه عشان ما يتبطل ومادري كيف تسوي ويطلع ؟
مادرس شاسوي وكيف اسوي عشان ارتاح وانا نايمه ؟؟
مادري انتو ما تخافو من هالشيء ولا عيالكم مايتحركوون ويحركون الفراش معاهم
ما تخافوون لا يغطي على وجه الياهل وانتو بسابع نووومه؟ آآآآآه تعبت شاسوي ؟
هذي كل معاناتي مع بنتي ام ثلاث شهوور ونص ..
ياريت تردوون على كل شي حسب الخبره ادري ان بعض المواضيع مكرره لاني كتبتها من قبل
بالمنتدى بس بشكل منفرد بس اليوم جمعتها كلها لافضفض واكتب معاناتي كلها مع بنتي
سامحوني كثرت بالكلام بس والله تعبت وابي ارتااح ساعدووني يعل ربي يهوون عليكم
بارك الله فيكم يالله بنتي تبكي مع السلامه ننطر الردود