خواتي ابي اقول لكم مشكلتي ومابي منكم الا دعوه صادقه ان الله يفرج همي
هذا ياطويلات العمر انا متزوجه وعندي طفلين الله يخليهم لي
المهم اهل ريلي كانوا مثل العسل وتعاملهم زين ويااي
ويحبوني ويحبون عيالي هذا الي كنت اشووفه طبعا وكانت خالتي ام ريلي تمدحني عند ولدها وتقول حرمتك خوش حرمه ومن هالحكي وانا الشهاده لله ماكنت اقصر عليهم هدايا اجيب لهم فلوس اعطيها هي وبناتها
المهم اخوي الله يخليه لنا خطب انا هننيه اهل ريلي تغيرت معاملتهم ويااي 180 درجه صارت خالتي ماتطيق تشوف ويهي وكلش بس مكشره اهي وبناتها وكلامها كله دق بدق وتسب في زوج اختي وحمولتها وتسب في زوجة اخوي وماخلت احد من عايلتنا الا حشت فيه وانا اسكت والله بس عشان احشمها حرمه كبيره وماودي ارد عليها
طبعا انا مستغربه حيل من هالموضوع ليش زعلوا وتغيرت معاملتهم من خطب اخوي هل كانوا يفكرون اني بخطب اخت ريلي حق اخوي ؟؟طبعا هالشي ماكان ببالي ابد ابد لاني ماحب التبادل بالزواجات كل واحد ياخذ نصيبه
حتى اخت ريلي كنت اشوفها مثل اختي الحين ماعاد تبي ريحتي وكلش بس تكذب بالحكي فلان خطبني وعلان وع مابيه وهي الصج انه ماكو حد خطبها بس مادري ليش جذيه تقول وانا كلن يمدحني وانا وانا كل كلامها في الجلسه عن نفسها وتطالعني فوق تحت
وخالتي ام ريلي وصلنا من ناس نعرفهم انها تحكي عني انا وامي وخواتي حكي مو زين عند الناس اش هالحقد كلله
قبل فتره سوو عزيمه ونادوا ريلي وماقالت جب حرمتك وفكرناها عزيمه رياييل طلع انها عازمه الكل!!
انا الحين بس عرفت اش حقه كانوا يزينون تعاملهم ويااي كانوا يبونا نخطب البنت مو محبة فيني وانا كنت افكر شي ثاني
وش رايكم شلون اتعامل وياهم صرت ماروح لهم الا بالشهر مره لانه كلامهم وتعاملهم وجلستهم وياااي لاتطااق
عيون اتعبها السهر @aayon_ataabha_alshr
عضوة جديدة
يلزم عليك تسجيل الدخول أولًا لكتابة تعليق.
الله يهديهم بس يمكن كانوا يرسمون على اخوك ويوم فقدوا الامل طلع الوجه الثاني الله يرزقها الزوج الصالح ويهني اخوك
الصفحة الأخيرة
وبعدين مصيرهم يرضون واذا مارضو طنشي
ولاعليك....
خليك زي اول هم مع الوقت بيستحون منك
واذا ما استحو
الحقران يقطع المصران
بس اهم شي لا يطلع منك غلط
والله يوفقك ويسرلك