ام زوجي تبغئ تسافر معانا

السلام عليكم
ابغئ ابدأ بالموضوع علئ طول بس لوووو سمحتوا اللي بترد علي ترد بإحترام ماابغئ كلمات مو حلوه بحق ام زوجي لانها انسانه محترمه ولها مواقف اجابيه جداً معاي لكن الحياه ماتخلو من السلبيات




انا طلبت من زوجي قبل كم شهر نسافر دبي في الاجازه اللي بعد اسبوعين هذي بالبداية رفض بعدين وافق وخلاص اتفقنا وعلئ اساس نحجز التذاكر قبل يومين طبعاً زوجي قال لامه انو احنا بنسافر هي علئ طول قالت احجزوا لي بروح معاكم زوجي قالها طيب انا بشوف اسعار التذاكر تناسبني او لا (( ميزانيتنا ماتكفي يادوب احنا الاثنين )) طبعاً زوجي قالي وانا ادري انو ماعنده فلوس بدل مانحجز غرفه نحجز شقه و بدل ماندفع تذكرتين ندفع ثلاث... اشياء كثيره المهم انه ماعنده مبلغ يسافر فيه ثلاث اشخاص بالغين و طفله ... فقرر زوجي يكنسل السفره اللي واعدني فيها له 3 شهور ومتأمممممله ومرا استناها ومبسوطه فيها وبصراحه ودي مررررره في السفر لكن تكنسلت خلاص المهم انا كل شوي افتح معاه الموضوع واقول وعدتني والان تخلف وعدك وازن عليه مو راضيه اقتنع احنا كنا خلاص بنحجز وتذاكر ونفلها بقد فلوسنا ليه كذا صار استغفرالله ياربي




طبعاً زوجي مستحيل يخليها بنفس امه يقول بيسفرنا في داخلي سوا انا بصراحه رفضت ماني رايحه اولاً داخلي مافي بالي مكان ثانياً ابغئ دبي تكنسلت سفرة دبي خلاص اكنسل السفر كله


وش رايكم ؟؟ لي حق ازعل ؟؟ كيف ممكن اتصرف ؟