ام زوجي تتجسس علي

تفاهمي مع الشغاله وخوفيها بزوجك قولي لزوجك ان فيه وحده من اقاربي بس تتجسس علي وهو بيهاوشها عن نقل الكلام بشكل عام وهي بتفهم المقصود .....................جربي ان شاء الله تنفع

حركات أطفال صراحه بس تبين الصدق لاتشرهين عليها حرمه كبيره بالسن ,,,صح شي يقهرررررررر مره وانا لو مكانك الشغاله ماتطلع معاي لناس أبدا ..تترزع في البيت الله يعافيها ..بعدييييين معروف كل الشغالات اذا اجتمعو مع شغالات ثانيات يطلعون اسرار البيت وياليت اسرار البيت الا يزودون بالحكي ويكذبون ويألفون...تخيلي شغالتنا جايتنا معاها جوال تقول لشغالة صديقتي المدام اللي اشترت لي الجوال وهي تكذب .... كيف عرفت بهالموضوع ..اتصلت علي صديقتي تقول شغالتي ازعجتني تقول طلعيلي جوال زي شغالتهم انها تقول ان المدام هي اللي جايبتلي الجوال
خرابيط بخرابيط
انا لو مكانك خل تموت اشيل التليفون من البيت وانا مو موجوده علشان مايصير فرصه وتكلمها ام زوجك وفوق هذا لاتوديها معاك لأهل زوجك أبدا .... اصلا الشغالات ماينعطون وجه روحات لناس وسوالف مع شغالات وحكي على الفاضي .
بهالطريقه لو سويتي كذا صدقيني بيمووووووووووووتون مايعرفون اخبارك وانتي ارتاحي ...
واذا اسألت عن شغالتك قولي عندها شغل في البيت ماخلصته.
ويمكن أم زوجك ماتسأل شغالتك ولاشي بس شغالتك تسولف مع شغالتهم عن بيتكم وشغالتهم تقول لأم زوجك ...واذا قطعتيها ولا وديتيها معاك شهرين ثلاثه ولاحظتي أستمرار الأسرار تطلع لحد الحين فما في الا شي واحد ..أن زوجك يسولف على اهله .

لطالما ماعندك ماتخافين منه خليها على ماهي عليه مع الحرص اللي ما يقلقك
خاصه اذا كان تجسسها مو من باب المشاكل

شكرا اخواتي على النصيحة
بس الى الان ما لقيت حل انا ما ابي ادخل زوجي في السالفة
ولا اقدر امنع شغالتي بالاختلاط فيهم لاني زي ما قلت انا اعيش معهم بنفس البيت
بس والله تجاوزت عن اشياء كثييييييييييييييرة الحين لي معها 15 سنه بس احس طفح الكيل وانا صابره لان ما لنا الا هم
زوجي ما يقدر يطلع
تخيلوووو يا بنات مره سافرت ثلاث ايام وخليت ولدي الصغير عندهم وشغالته معه وتركت جناحي مفتوح ما عدا غرفتي قلت يمكن تحتاج الشغاله شي حق الصغير ملابس او العاب او مكان هادي تنومه فيه تدرون ايش سوت حماتي جمعت بنات اهلم اللي يجونهم من ديرتهم وهاااات يا سهر وروحه وجيه ولا كأن مكان بنت ناس وعقب دريت من الشغاله بعد مالحظت تغيرات في الجناح ونقص في المونه من عصيرات وغيره وضغطت عليها اعترفت انهم مسوين الجناح مكان سهره لهم بغيييييييييييييييييييييت امووووت وانقهرت بس قلت لالالالا خلهم معليش وووووووو واشياء واشياء بس الله يكون في العون

يااختي:
هذي حرمة كبيرة وفي مقام أمك.. وهي صحيح غلطانه..وحركتها غير مقبوله ..
لكن انتي تعاملي مع الموقف بحكمة وعدم غضب .. فيمكن هذا طبع فيها ..
فتخيلي ان أمك تفعل معك ذلك فكيف ستتصرفين معها؟؟
هل ستعاتبينها؟؟ هل ستصارحينها؟؟
لا يااختي.. اكتمي غيظك .. وانتبهي انتي لأغراضك بنفسك ولاتشعري أم زوجك بشيء
حاولي قدر الاستطاعة ألا تطلع على خصوصياتك ولكن بدون جرح لها ولا لمز ولا غمز

وتأكدي أن الدنيا قصيرة ولابد انكي ستفترقين عنها .. فاجعلي علاقتك وخاتمتك معها طيبة