ام طليقي عذبتني بصغاري

الله يغفر لي فالشكوى لغير الله مذله
الماضي ذهب وانتهى كل شئ
فالحمد لله من قبل ومن بعد :(:(


من تطلقت كان ابوي واخواني يرفضون يتصلون على طليقي عشان اكلم صغاري
يذلنا ويقول انا بعيد
العيال مو عندي
فمستحيل اقول لاحد منهم دقو على ابوهم ابي اكلمهم
يكررررهونه
ولا بيني وبين طليقي اي اتصال
ولا في بالي مهما كان حرارة حرماني :44::44:

إلي ان قررت ان اعطيهم جوال الكشاف 📱فسبقنا والدهم على اكراه
لكن بعد المنطقة عن صغاري اجبرته ورفض الرقم يكون من طرفنا
فطلع جوال ورقم لهم
اعمارهم ف الابتدائي ثالث وثاني
ام طليقي تغلق الجوال 📵
وتفتحه على مزاجها
انتظر اتصالهم على احر من الجمر
ممنوع اتصل يوميا
حتى لو اتصلت وردو
تقفل الجوال بعد المكالمة
وادق اسبوع مقفل
مع ان عيالي يقول تعطينا الجوال انت اللي ما تدقين
وعلمتهم اذا اعطتكم الجوال شوفوا الشريحة موجودة او لا
واثاري الشريحة شالتها واعطتهم الجهاز عشان تسكتهم
ولما علمتهم يتاكدون من الشريحة اذا اعطتهم
ف صارت تشيله متى طلبوها اعطتهم وهي مكرررهه وذلتهم فيها
وصارو يخافون منها
اعترف اني من يوم طلعو جوال
اكلمهم يوميا مرة واحدة فقط ولمدة اسبوع وفجاءة
انقطع الاتصال وصارت حركات جدتهم وخواته اللي هم اصلا سبب لطلاقي
وكأنهم يقولوا لي كفاية في الشهر مرة
اقسم بالله لما كنت مع ولدها تتصل ف كل ساعة مرتين ليل ونهار ويوميا
وهذا هو كبير وعندها 6 اولاد أكبر منه
فما بالكم بعيالي الصغار
وإذا طلعت اشوف اشباهم في عيال الناس فاشتاق مووووت
احيانا ينغزني قلبي صار لهم شئ :44::44:
طاحوا
مرضو
عشان كذا ادق واتطمئن
لاهم مرتاحين عند اهل ابوهم
ويشتكون جدانهم خاصة الجدة بالذات
و اهلي رفضو اخذ حضانتهم
كفاية بناتي الصغار معي
ومردهم لابوهم اذا كبرو :icon36::icon36:

علموني بالله
كيف اطفئ جمرة حنيني بصغاري
كيف اتناسى اصواتهم
كيف امنع عيوني من الترقب وكل شوي اناظر بجوالي
كيف اصبر عن بعادهم
كيف بالله أقوي قلبي

ادعوا لي ان الله يريني فيهم عجائب قدرته 🙏🏼
ويحرق قلوبهم باحب ابنائهم
من غير شر على ابنائي 😰
💔
💔
💔
💔

حسبي الله ونعم الوكيل

تم تعديل الرابط.. الإشراف