ربي يفرج همك حبيبتي وييسر أمرك ويرزقك من حيث لا تحتسبين ...
المفروض زوجك يتحرك شوي يروح يدورله على وظيفه أي وظيفه لو سائق ولا حارس أمن ...عالأقل يكسب منها فلوس ويسد حاجتكم ...
ربنا موزع الأرزاق بس لازم نتحرك سواء كنّا أغنياء ولا فقراء لازم نتحرك ونسعى علشان نحصل على لقمة عيشنا ...
لا تندبي حظك وكلي أمرك لرب العباد وربنا ما راح ينساكم يا قلبي ....
اذا زوجك حصل له على وظيفه ممكن انتي من البيت تسويلك آكلات شعبيه بسيطه وتبيعينها منها إن شاء الله بيزيد دخلكم الشهري ...
أو إذا تقدري تشتغلي في حضانة أطفال ..أو محل لبيع الملابس النسائية ...
الحياة يبيلها صبر ومكافحه لازم نكافح علشان نوصل للي نتمناه ..
ربي يفرج همك ويرزقكم من حيث لا تحتسبوا 🌹🌹

(إن الله لا يغير ما بقوم حتى يغيروا ما بأنفسهم)
اختي الغالية ، ليش الزعل والله سبحانه موجود ؟؟
انتي زعلانه على انه الدنيا ما مشت على التصور اللي حاطته في بالج .. لو الحياه مشت على كيف البشر صدقيني ما كنا بنحس بحلاوة النجاح بعد التعب ولا فرحنا بالفرج بعد الصبر . الله سبحانه حط لنا اختبارات وابتلاءات عشان يكافئنا على صبرنا وعشان نحس بقيمة النعم والارزاق ..
سقوط الولد بالدراسه ما يعتبر مشكله كبيره ، السنه الجايه ركزي على دراسته وساعديه وان شاء الله بينجح وبتفرحين فيه ..
والفقر بعد ما يعتبر مشكله كبيره لانه ان شاء الله ما راح يدوم وبيتغير وضعكم للأفضل انتي وزوجج بس اذا انتو تحركتوا وبحثتوا بكل جديه عن وظيفه او مشروع بسيط يغطي احتياجاتكم اليومية .
عيشي ببساطه وبقناعه ولا تقارنين نفسج بالغير جربي ولو لمدة شهر فقط ان تعيشين مثل الملكه وتهتمين فقط بنفسج وولدج وزوجج وبيتج .. خلال هالشهر جربي تفكرين بعقليه غير عن اللي تستخدمينها حاليا ، عقليه ما تضخم المشاكل ، عقليه تستمتع بالنعم والايجابيات الموجوده ، عقليه ترضى وتسعد بأقل القليل ... عقليه نشيطه تشتغل على تحسين الحياه من كل الجوانب ..
لا تربطين سعادتج بنجاح ولدج ولا تربطينها باهتمام الزوج ولا تربطينها بالغنى كل هالاشياء مهمه لكن الاهم السعاده الداخليه اللي مصدرها الثقة بالله سبحانه ..

ياوخيتى احرصي على تدريس ولدك درسيه اول باول
لاتهملينه
وكثرى الاستغفار والدعاء بالسجود

ربي يفرج همك ويرزقك من اوسع ابوابه.. شدوا حيلكم دورولكم وظايف حتى لو تخيطين وتبيعين.. ثياب صلاه.. يونيفورمات خدم.. دراعات اطفال حق رمضان .. و زوجك بعد خلي يدورله شغله حتى لو كانت بسيطه.. و الله يوفقكم ويبعد عنكم الضي

ربي يفرج همك