انا احتاجكم تكفوون
السلام عليكم ورحمة الله وبركاته
كيفكم بنات.. عساكم بخير ....... انا اكتب لكم وقلبي يعتصره الالم.. انا بطبيعتي انسانة مرحة حبوبة وملتزمة، ولي شعبيتي لكني من جوا حساااااسة من بعض الاموور
حياتي بين بيتنا وبيت جدي والجامعة
اكره الاجازات بسبب ان اجلس في البيت واذا جلست اتملل واضطر الى ان ازور بيت جدي (ابو امي )، بنات خالتي حلوين وطيبين و انا كلوووووووز معاهم مرة واحبهم ويحبووووووني ونموت في بعض
قبل فتررررة بنت خالتي تزوووجت وهي اكبر مني بأقل من سنة، وطبعن خذت واحد من قرايبنا و عن حب ، لو هو مو من قرايبنا اهلها ماسمحو لها تتزوج .. لان الاهل يبونا نتخرج من الجامعة او اخر سنة جامعة نتزوووووج .. مع نحن عايلة اذكياء وتبع دراسة وكذا
المهم لما هي تزوجت .. طبعا خااالاتي ورا الخيل يا شقرا لان هي انخطبت الحين يبوني انخطب بسرعة .. وانا بصراحة ماودي انخطب حاليا .. واذا انخطب حاليا ابي من الشخص الي ابيه (احبه بس هو مايدري) ......
للعلم انا مريت بتجربة جدا قااسة ان تعرضت لخيانة من شخص كانت خاطبني من قراايبي ومرة تاثرت لان خاطبني من 6 سنوااااات لما كنت بالثنوية وانا انفصلت عنه قبل سنة والجو هذا البارد وطلعاتنا البر وكلشي من حولي يذكرني فييييه.. واانا اقول للبنات لو أي احد يجي يحط لك الشمس بيد والقمر بيد لاثقيين بهذا الزمن لان ابد ماكان يبدي عليه ملامح الخيانة للعلم ان الخيانة الثانية هذي وكان يقول ان هو تاب
الحين اعجبت بشخص ثااني واتمناه زووج لي.. كفو جدا ومن عايلة محترمة من صاحبات خالتي (وهذي خالتي الوحيدة الي احبها من خالاتي واحسها عن جد تحبني وهي زي ماما وعاقلة وفاهمة)
المشكلة الي ذابحتني اهل امي يبون يخيطون حياتي على مزااااااجهم ودايمن يتدخلون بكل صغيرة وكبيرة ويعايروني بالاشخاص الغير كفووءين الي تقدموو لي يبووني اخذهم ومادري ايش (ورا اخيل يا شقراا).. والاقارب بعضهم عقاارب
انا عن جد نفسيتي مرة تعبانة كل ما اشوف شي بجامعتنا او بعايلتنا يذكرني بالمااضي اتعذب
ولما اشوف بنت خالتي الله يهنيها .. ماغار منها ولا احسدها .. بس اقول لو انا مكانها كان الحين انا كذا مثلها واندب حظي وابكي
بس انا متاكدة ان بكرة احلى وان الله ماخذا مني الا عشان يعووضني وان مع العسر يسر
بس انا قلبي تعبان من جد وقمت اتحسس من اقل شي.. وقلبي موجوع ومفطوور .. حسبي الله ونعم الوكيل ولا حول ولا قوة الا بالله
معليش ادري كلامي مخربببط
بس انتو بنات زيي وتحسوون فيني وانا اول من لجأ له هم انتوو
تكفوون اترجاكم لاتخيبوني ولا تجرحووني بالكلالالالالام
في حالات الانسان مايقدر ينصح نفسوو .. اتمنى من أي وحدة ام او اخت كبيرة فاهمة عااقلة تواسيني وتخفف عني
انا منكم وفيكم وعن جد محتاجتكم .. على الاقل ترفعون الموضوع لو بدعوة او شي يجبر بخاطري
MANAWI @manawi
عضوة نشيطة
يلزم عليك تسجيل الدخول أولًا لكتابة تعليق.
م ه الشرقيه
•
الله يفرج همك ويسر امرك ويشرح صدرك ويرزقك ياللي يسعدقلبك اللهم آمين
الصفحة الأخيرة