انا اللى بعلمك ليه زوجك يسهر برا ، تعقيب على موضوع العضوة مناير

ما اقصد مشاكل ولا شي لكن كتبت في موضوع خاص حتى الكل يشوفه .
سبب سهر الزوج برا والموضوع ما يحتاج كتب ولا شي نظرة بسيطة على المجتمع اللى عايشين وسطه :- السهرة شي اساسي لاننا مجتمع يحب الكلام يحب الحش من ناحيه سلبيه من ناحيه ايجابيه مجتمع مترابط و يقدس العلاقات ان كانت قرابه او كانت صداقة فمالهم الا يجتمعون في الليل لان شي طبيعي في النهار الكرف والتعب وحتى لو كان ما يبي يسهر يكون الشله اللى يبي يقرر معهم ما يجتمعون الا في سهرة .

- اخذين الموضوع رجوله اذا ما سهرت معناته زوجتي تمنعني و تتحكم فيني و لازم اكون رجال زي باقي الرجاجيل .- كل شي متوفر وجاهز استراحات ، مطاعم مفتوحه ، اصحاب فاضيين ، وهروج جاهزه لو احنا مثل الدول اللى برا كل شي يقفل مع غروب الشمس الوضع بيكون غير .

- لا شغل ولا مساعده في البيت بعد الدوام يبدس من هالغداء و نوم لين يشبع فيقرر يطلع بما انه فاضي للصبح .

- متعود يسرح و يمرح في بيت اهله ولا حسيب ولا رقيب لا تفكرين الزواج بيغيره زي مغير بعض الزوجات وتسحب على صحباتها.- اهم شي واشوفه من الاسباب الرئسيسه الزوج بيلقى من يسلك له كذبه و افلامه و يصدق تهاويله و يشجعه ويطيره سابع سما ( تعرفون المدحه يوم تجي من رجال غير ).

تتصلين تكسرين الجوال تطنشين ماراح يغير شي الرجل من هالناحية نوعين ما يقر في البيت ( تعرفون وحده زوجها ما يسهر ؟ ) و الا بيتوتي وهذا موجود بس نادر
الزبدة ومن تجربه وعشره عمر تعايشي مع وضعك ودبري نفسك بذكاء مصيره وكل وحده واسلوبها مدام انكم تتغدون تتعشون مع بعض قايم بواجباته خل يسهر ساعه المنى الوحده تتفضى لنفسها