انا اللي دخلت الشهر العاشر شوفو ايش قالت لي الدكتوره

السلام عليكم كروشات الشهر العاشر
الاسبوع اللي فات كان مفروض اروح احدد موعد عمليتي القيصريه طبعا انا بكريه امي رفضت رفض تام اني اسويها وقالت لي اشوف دكتوره ثانيه رحت لدكتوره تشكر في السعودي الالماني وياربي يسعدها والله ام ماهي دكتوره جلست تهديني لاني كنت مره باين اني خايفه من كلمة قيصريه وجلست تفهمني المهم قالت لي نكشف اول وبعدين نتكلم المهم كشفت عليا سونار وكشفت من تحت صراحه ولا حسيت فيها مع ان الدكتوره اللي قبلها عورتني وقلت لها قالت لي لاتخافي بس ارخي نفسك ولايهمك وفعلا ماحسيت فيها ماشاء الله تبارك الرحمن عارفين ايش قالتلي قالت عنق الرحم عالي وقاسي قالت لي روحي اليوم واشربي زنجبيل وقرفه وخليها حاره يعني طعم حرارة الزنجبيل تكون عاليه واشرب نص قاروره زيت خروع والنص التاني بعد السحور وبعد كم يوم تشوفني وتحطني على جهاز التخطيط وقلت لها بس يمكن ماالقى موعد قالت لي انتي دحين مريضتي ولايهمك راح تدخلي وكتبت ورقه واعطتني ياها وقالت اول ماتجي اديهم الورقه وغصب عنهم حيدخلوكي ونادت الممرضه حقتها عشان تشوفني قالت بها اول ماتجي على طول حطيها على التخطيط عشان تشوف اذا جاني طلق او اي شي لو خفيف ماحتسويلي عمليه حتستنى عليا شويه
المهم رحت البيت وسويت زي ماقالت لي بالضبط بيني وبينكم انهلت الحمام رايحه جايه هههههههه مع اني قلت لها الخروع حيطفشني حمام قالت انا ابغى كده عشان الامعاء لمى تعمل اسهال بتحرك الرحم وتلين العنق ويكره موعدي معاها بس القهر ماجاني طلق هههههههههه ونزلت عليا افرازات تقيله شويه بيضاء على صفار شويه بس فيها ثقل
وراح افيدكم بالجديد بكره ان شاء الله