انا الي طفشكم بمشاكلي ،،،،ولدت وهذي قصه ولادتي ،،،،ربي يسعدكم

السلام عليكم ،،، الحمدلله من قبل ومن وبعد والحمدلله دوم وابد ،،،،والله يعطي أمهاتنا الأجر ويعوضهم الجنه يارب ،،انا ارجع في حرا بس مقررة الولادة في في مستشفى الولادة لآني مطلقه وحرا نظامهم ما يخرجون المولد. ولا يسلمون التبليغ غير الاب ،،،،ومستشفى الولادة غير ،،،،مو عد ولادتي الي محدد 4/22هجري طبعا هذا محدد من ثلاث دكتورات اخر مراجعه الدكتورة قالت أعطيك اسبوع زيادة على الموعد لأنك بكريه ،،،المهم جاء يوم الأحد 4/26 ولا ولدت وانا طفشت والجنين ما يتحرك قلت خليني اروح طوارئ حرا اكشف روحنا العصر انا وامي ،،،،،ودخلت الدكتورة سودانية طيبه جداًالله يساعدها ،،عملت تخطيط لي الجنين قالت كويس وإمكان معاي طلق ولا اي مغص وحسبت الحمل قالت انتي مطوفه التاسع بتسعة ايام لازم تولدي اليوم لو طلق صناعي قلت أوكي متوكله على الله ،،،،قالت حرا ما عندنا سرير قلت خير وبركه ،،،،قالت أرسل لك طلب تحويل على الولادة وانتظري الرد خلال ساعتين اذ ماعندهم سرير أرسل تحويل على اي مستشفى خاص والحكومة تدفع ،،،،قلت أوكي ،،،وانا أخاف من الخاص ،،لأنهم يستعجلون على العمليه عشن الفلوس ،،،،وبلاخير أرسلتني على باشرحيل ورجعنا البيت انا وامي على 11ليل من العصر تخيلوا ومعاني وحدة زي أرسلتها على مكه الطبي ،،،،وانا طول الطريق قلت حماس بولد في خاص على حساب الحكومه وكدا يعني فشخرة هههههه ورجعت البيت واتوكلت على الله وأخذت اغراضي في الشارع وانا ماشيه وأسلوف مع امي قلت لا والله أخاف اروح باشرحيل ويكون نفس نظام حرا في الخروج والتبليغ عشن على حساب الحكومه وأخاف من العمليه ،،،،المهم روحنا مستشفى الولادة ،،،،وانا مو تعبانه الحمدلله بس تعب الحمل والتقل لكن مافي طلق ،،،وامي حرمه كبيرة وتعبت لان الطريق زي ساعه مشوار وانا روحت استرحت ورحت الاستقبال اعمل الأورق لان مامعي اخواني لان مافيهم خير ،،،المهم والشنط عند امي ورحت لها جبت الاوارق لي الموظف ودخلت كشفت زي نص ساعه في الطوارئ ورجعت لي امي وانا عباتي وأوسعه جداً عشن الستر الحمدلله ،،،،وحدة حرمه جالسه جنب امي قالت معاكم وحدة بتولد وانا وامي على باب الله والنيه صافيه قلنا لها ،،،انا الي بولد ،،،،يمين الله قالت ،،،،أشبها بنتك تعدي عدي،،،،حسبي الله ونعم الوكيل عليها عسى عينها تصيبها ،،،،وانا انصدمنا وامي قالت لها قولي مشالله ،،،،تقول انا بنتي في الرابع وتقودها قووود ،،،طيب الناس مو سوا ،،،،وانا لو معاي زوجي ولا اخوي ولا ابوي كان جلست وهم عملوا اجرات الدخول ،،،،أوقات في ظروف تجبر وتقوي الواحد ،،،،يعني اخلي ام الي عمره 55مشالله تروح وتجي وانا فعل ما كان عندي طلق عادي اروح واجي موجنازة،،،،المهم حاولوا تحصنوا نفسكم وتذكروا الله على غيركم ،،،،المهم والدكتورة في الطوارئ قالت لي نفس السودانية مطوفه بعشرة ايام ولازم تنويم طلق صناعي وكتبت لي تنويم وصارت الساعة 2وامي رجعت البيت مع ناس الله يجازهم الخير لا يوقعهم في لنقه وصلوها البيت يوم شافوا حالتي خايفه على امي ،،،،وانا طلعت تنويم ومن بكرا عملو أشعه وسونار وتخطيط وقالو كل شي تمام وقالت الممرضة نعطيك طلق ثلاث مرات اذ ما ولادتي عمليه ،،،،قلت أوكي طبعا من يوم أتنومت كل يوم دكتور دكتورة شكل وكشفوا عليا من تحت زي ثلاث مرات صراحه يتعور شوي وعلى حسب الدكتور،،،،المهم كتب لي الدكتور طلق كل ست ساعات حطو لي اول تحميله طلق وبدا معاي مغص والتخطيط راكب عليا وانا مع المغص أتلوى واتحرك والتخطيط يوقف ويتغير ،،،ويوم الدكتورة لا ستشارك شاف التخيطيط ،،،، قال النبض تبع الجنين مو تمام وقال وقفوا طلق ،،،قلت لهم انا أتحرك مع المغص والتخيطي يوقف يعني مافي اي مشاكل ،،،،قال لا وجلست يوم كامل لا طلق ولا شي قال من بكرا نعمل سونار وأشنعه بشكل تاني ونتاكد وعملوا الأشعة واتاكدوا وحطوا لي الطلق الثاني بس الاول مفعوله راح مرة وبدا المغص الموووت يروح ويجي وكمان بعد ست ساعت حطوا طلق ثالث وبدا العذاب وانا طول اليل أوان واتشهد ،،،،في الصباح كشفت قال مفتوح مشالله ثلاث سانتي ونص بس بعد مايقرر الاستشاري ننزلها الكشك والحمدلله بعد ساعه نزلون وانا الطلق صار عندي منتظم يروح ويجي من الساعة عشرة صبح كلمت امي قلت لها انا انزله الكشك أدعو لي ونزلت تحت انووووواع الصريخ والزعيق صراحه أصوات مفزعه وما ألومهم من المغص المهم كل شوي تجئ وحدة تكشف من تحت وحدة دكتورة حطت لي مسكن في المغذي لآني صايمه وخف شوي الألم وخلاص المغذي وزاد رجع المغص مووووت وعلى العشاة تتفتح سبعه سانتي مشالله وطلبت مسكن رفضت الدكتورة تقول خلاص قربتي العشرة يمكن تجيك الولادة وانتي مخدرة المهم وجالسه أتالم واصرخ الين جاني الهم والساعه 11جات الم مرضه قالت عشرة سانتي وانا مو مصدقه وهي من اول جالسه تجهز الأدوات المقصات والإبر والخيوط قدامي بدون مراعاة لشعوره صراحه مايصير كذا وبلاخير جات قسمت السرير ورفعت رجولي وصراخهم المنظر مرة مرعب وحطت لي قسطرة بول وتقول اذ جاك زي الدفع دافعي وانا ما اعرف وشوي دخل الدكتور صراحه انا كنت خايفه منه لانه كأنه جزار طويل وعريض مشالله وحسيت انه عفش قلت له انت تولدني قلي يلأ يلأ خلاص المهم ،،،،جالس يعلمني كيف ادفع والتنفس وانا ما عرفت وجالسه ادفع من حلقي وصوتي بح وهو يقول يلأ شايفه الرأس وبلاخير عرفت كيف ادفع الحمدلله وخرج الولد بالسلامه مشالله وقبلها أعطوني ابرة في العضل وإبرة في المنطقه ناحيه الفخذ وحطوا الولد فوقي وشالوة وراح الدكتور وانا جالسه مكتشفه ورجولي كل وحدة في جهه وو استغربت ليش. راح الدكتور ادري ان باقي خياطه وجاوة الممرضات يطلعون الخلاصه ويقول وجات ممرضه تسوي مساج على البطن ناحيه الرحم والله يألم مرة يمغص تقول عشن المشيمة تتطلع واثنين واقفين تحت يحاولو يسحبونها وتقول لي كحي عشن تتطلع وانا مافيني شدة أكح ولا اقدر لان راح الصوت ودقائق وطلعت الحمدلله ورجع الدكتورة طبعا مشالله راح يخيط وحدة ورجع آه يابنات والله للخياطه مووووووت عذاب أخص من طلعه الرأس والله حسيت بكل دخله وخرجه ابرة وسحبه الخيط وعمل غرز كتيرة وانا أتوجع وأتوقع وهو يخيط بكل حماس كأنه يقشر تفاح وأقوله كم غرزة يقولي لاتشتغلي بالك انتي بس نزلي وسطك ولاتشدي لان طول وآل مشكله يشد الخيط بقوة ويظغط على المنطقه عشن تنزل الأوساخ الله يكرمك المهم الحمدلله خلص وارتحت وجلست ساعتين وطلعت التنويم فوق طبعا مهلوكه مووووت والنونو معاي الحمدلله وجاوة الدكاترة الصباح وسألني قال عادي تخرجي بكرة العصر ولا تقعيد يوم زيادة قلت لا اخرج وجاوني أهلي زيارة وخرجو نئ الحمدلله ودحين انا في البيت احس الألم في كل جسمي من الخياطة والله لم أجي أعطس أكتم العطسة لانها توجع ومو قادرة أتحرك ابدا ولا امشي ونفسي مسدودة لأنهم صوموني يومين ،،،،واستعمل ميبو وغسول مويه دافيه وملح ومطهر ولا حسيت انه خلف الألم ايش أسوي يأناس ،،،،عندي مرة كيف استخدمه ،،،،وصراحة كنت ناويه اشرب حليب وفلفل ابيض عشن التضيق بس هونت يكفي كذاك،،،،بشرب حليب سادة ،،،،،وسؤال يابنات الله يكرمك ،،،،الدم الي ينزل مرة قليل كان ثلاث يوم الدورة ابدا مو دم نفاس ،،،،هل هذا خطر ،صراحه مدام كشف عليا الرجل الغريب ًً،اليوم خليت امي تشوف الجرح وتحط لي الكريم وتتضمن ان مافي نفخ او شي ،،،وايش أسرب غير قشر القهوة والشمر واليانوسون عشن أنظف البطن ،،،،هو الدكتور صراحه نظف بطني بس معقوله كذا الدم يقل ،،،،ولا اروح المستشفى اكشف على الرحم ،،،،،،الله يبارك لي كل وحدة ولدت ويسهل على كل حامل ويرزق كل محرومة الذريه الصالحه ،،،ولدت في مستشفى الولادة الجديدة صراحه ارتحت فيها ،،،،الغرف كبيرة ونظيفه كل اثنين بغرفه والحمام مشترك بس على طووول بيتغسل ،وأكلهم نظيف وطعم ومفيد ،،،وال دكاترة في كذا وفي كذا ،،،وحتى العاملات بعضهم اكس أخلاقهم زفت الي هن الي ينظفوا وبعضهم أخلاق بس صراحه الحمدلله ربي يُسر وسهل والحمدلله في كل حال ،،،،وحسبي الله ونعم الوكيل على الحرمه الي حسدتني ،،،،دعواتكم ربي ينصرني على طليقي ،،،،وجبت ولد وسميته شاكر ربي يحفظه من كل شر وعين ويحفظه من أهل أبوة وينصرني عليهم