انا بتخبللللل - النظرة الشرعية

السلام عليكم

انا عمري 19 ما افكر بالزواج بالمرة و عندي احلام و طموحات كنت حابة اسويها

خطبني شخص مواصفاته كلها حلوة على حسب وصف اهلي له

انا احس اني ما اريد اتزوج لكن اهلي اقنعوني و حسيت كلامهم صح و امي تقول حرام تضيعيه من ايدج و اخوي يقول الف بنت تتمناه و ابوي عاجبه الولد لكن فالنهاية القرار قراري

بعد محاول اقناع اهلي لي قعدت متردده اريد ارفض لكن اتذكر كلامهم و فالنهاية قلت كلامهم صح انا موافقة بعدها ابوي كلمهم قاللهم ايون عشان النظرة الشرعية و يونا امس

ابوي يابه عندنا الصاله و يلس فالكرسي المجابلني .. ابوي عرفنا على بعض و قال هذا حقكم شوفوا بعض و تكلموا مع بعض اذا تبون و انا كنت فغاية التوتر و العب بصبوعي و لمحته مرتين و قعدت منزلة راسي هو ما كلمني بس قعد يكلم يدتي امي قالت هو كان يطالعني بطريقة لبقة يعني ما كان مبقق عيونه علي

المشكلة يا بنات اني ما حسيت باي شي و انا اللي اعرفه انه فالشوفة يرتاحون او ما يرتحاون لبعض بس انا ماعرف شو شعوري بالضبط انا من صارت السالفة كل تييني نوبات صياح و احس اني تعبت من هالموضوع اخاف اندم و حاسة اني مش حابة اتزوج الحين احس اني وايد صغيرة بس امي تقول هالريال ما يتفوت و مش انا احدد الوقت لانه ماعرف منو اللي اييني

على فكرة فليل لما قعدت اسولف مع امي كنت حاسة اني موافقة و مرتاحة بس رجعت اوسوس و احترت

و انا ما احس اني متقبلة عايلتهم لانه نحن متفتحين بحدود الدين و الادب و الاخلاق هم احسهم وايد مشددين و عقولهم متحجرة و مملين بس للامانه هم معروفين بالدين و الادب و الاخلاق امي تقولي انتي شعليج من اهله بتعيشين معاه هو

اف بنات بنجلط مادري شسوي و على فكرة انا انسانه وسواسية من الدرجة الاولى

اللي اريده منكم تخبروني عن احاسيسكم فالنظرة الشرعية و قراركم و شو صار بعدين لما تزوجتوا