انا بجد تعبانه ومحتاجة لراحة البال

السلام عليكم..باختصار لموضوعى ..انا حاليا مخطوبة لشخص بحبه جدا وهو كمان والحمد لله الامور بينا كويسة جدا ..بس انا كنت كذبت عليه كذبه كنت شايفاها انها صغيرة ومش هتضرة بس لما حكيتهاله زعل ولا منى انى خبيت الكذبه انى كنت رسبت ف اولى جامعة ومردتش اقوله من اول تعارفنا لانى مكنتش حابه اظهر بصورة سيئه قدامه بس هو حسسنى انه ثقته فيا اتهزت شوية لكن الحمد لله رجعت تانى وسامحنى..بداية تعب قلبى بقا انه سألنى ارتبطت بحد قبله ولا لا وقولتله حصل انى حبيت جارى بس عمرى ماشوفته بره لوحدنا كان بيطمن عليا وبس ولما عرف احترم صراحتى ومفيش اى مشكله بس انا لما محصلش نصيب بينى وبين جارى زمان لان اهله اختاروله بنت عمه طبعا انا تعبت نفسيا لفراقه وف الفترة دى دخل حياتى واحد تانى وعرف مشكلتى ووعدنى انه هيعوضنى وانه بيحبنى وصدقته لكن طلع بيتسلى بيا ومش راجل كان كل لما اقوله هتيجى البت امتى يقولى لما اهلى يجى من السفر لحد ما اكتشفته على حقيقته وسيبنا بعض انا كنت ساعات بخرج معاه بس ف اماكن عامه واختى واخته ساعات كانوا بيبقوا معانا وطبعا موضوعنا انتهى من زمان ونسيته ومحيته من زكرياته ولما اتقدملى خطيبى بقى كل حياتى ومبقتش عاوزة من الدنيا غيرة وحسيت ان ربنا سبحانه وتعالى عوضنى خير بيه بس انا دالوقتى حاسة انى ضميرى مانبنى انى مقلتلوش على الانسان التانى دا ومش مرتاحه وبالى ديما تعبان وموجوع ف عز فرحتى بحس بخوف وكسرة وبتخيل انى لما اقوله هيسبنى لانى خبيت عليه وثقته فيا هتنعدم مع انى والله اد الثقة وانسانه مخلصة جدا مش ذنبى انى حبيت انسان وطلع كذاب عايزة اقوله عشان بالى يرتاح وخايفه ومرعوبة انه يسبنى لانى ممكن اموت فيها لانى لقيت فيه روحى وقريت كتير ولقيت انه ملوش انه يعرف الماضى وحكيت لامى وقالتى متقوليش حاجة لانها ملهاش لزمة طالما هتحافظى عليه خلاص واعترفت لاخويا كمان وقالى نفس الكلام بجد انامحتاجة النصيحة لانى بجد تعبانه ف الاول كنت اسعد انسانه بخطوبتى لكن حياتى بدأت تتقلب وخاصة بعد ماقالى مخبيه عنى حاجة تانية ولا لا ..بالله عليكم قولولى اعمل ايه..