انا بحيره من امري.. وربي يسهل

السلام عليكم ورحمه الله وبركاته

حبيباتي بغيت مشورتكم وش اسوي بهالحاله
هذي قصه لقريبه لي قسما بالله شي يضيق الصدر
ابي ردود عقلانيه ماابي تعاطف ابي حل جذري
بدخل بالسالفه مباشره

وحده من اربع سنوات تزوجت بس ماارتاحت ابدا المشكله انها حملت بالاشهر الاولى وفكرت بالطلاق وتسقيط الولد واقنعتها ترجع والحمدلله رجعت بس احس بتأنيب الضمير
لانها رجعت بس ماتحسنت الحال ابدا يمكن طلع اسوأ
زوجها الله يهديه ويصلحه شكله يامتزوج قبل ومخبي عن هله (زواج مسيار) او عندها صديقات استغفر الله مو سعوديات والظاهر انه يبي وحده من عائله وتكون رسميه قدام الناس زوجه للمجتمع مو له هو عايش جوه
اغلب الوقت يخلي زوجه عند اهلها بالاسابيع مستحيل يمر شهر ماقعدت عندهم لو اسبوع
وكل اربعاء يروح للديره على اساس يزور اهله ويحطها عند اهلها او معه في بعض الاحيان واذا كانت معه ماتشوفه الا وقت النوم ويجي متأخر بعد
وصارت مشاكل وجلست عند اهلها عشر شهور زعلانه وتدخل ابوها واتفقو ورجعت على اساس انه بيتغير لكن من اسبوعين تقريبا شكيت بالامر انه رجع وبقوه لحركاته ..لانه كان بيسوي اي شي عشان توافق تروح عند اهلها بالديره اسبوع الا يوديها الا يوديها مافيه مجال وقال بوديك للمدينه ورجع للرياض يداوم لحاله ؟!!! مدري وش قايل لها الظاهر انه بيروح للبر وكذا بس اشك بالامر وش اللي بيخليه يداوم اسبوع ويتركها هناك واهي توه راجعه من زعل حتى هدايا مثل الناس ماجاب لها ولا يعبرها ..من اسبوع جاء ياخذها وقال بودي خواتي معانا حطها امام الامر الواقع بيوديها للمدينه بس مع خواته مايبي يروح معها لحالهم خصوصا ان هالسفريه متى طلعت بعد طلعت الروح اللي يقهرها فيه انها مايهتم فيها ويهجرها والجوال مايتركها عندها لانها مره اكتشفت عنده صوره بنت لابسه قصير وتستعرض ومسجات وواجهت بالامر قال اصدقائي يسوون فيني مقلب .. واول ماتزوج واحد منهم يقول لها طلقها وبعطيك ميه الف ماادري ليه .. المشكله كبيره ومالها حل
اقنعتها تشيل من بالها الطلاق عشان العيال خصوصا انها ماتوظفت وانها اذا تطلقت ماراح تعيش حياتها ومن هالكلام بس للاسف اهو مو حاس فيها مايعطيها حقها واغلب الوقت برا البيت ويخليها بالاسابيع عند اهلها واهو مقتدر على فكره ومسكنها بشقه ماادري احس فيه انا اشك انه يحطها عند اهلها ويجيب الثانيه تجلس معه اسبوع كونها مسيار او بترضى لانها مو سعوديه والله اعلم


ياليت اكون غلطانه بس احس انها حقيقه ماابي اصارحها وماابي اظلمها
وش اسوي وش اقول لها
الحين جت من المدينه ورجعت لاهلها مو طايقته كارهته بقوه بقوه بقوه

عطوني رايكم .؟انتظركم :29: