انا تعبانه جدا ووحيده وفعلا محتاجه لحد يكلمني

السلام عليكم ورحمة الله وبركاته




بنات محتاجه مساعدتكم انا حاسه اني وحيده مكتئبه تعبانه الي متابع مواضيعي انا عندي مشكله مع زوجي وشفت الويل من خيانه وكدب والان راميني عند اهلي ومنتظره طلاقي
المشكله اني الان تعبت من المشاكل والحزن والغم انا في مرحله خلاص ماعاد اثق بنفسي ولا باي قرار اخذه لاني انصدمت في زوجي وفي اشياء في حياتي لاني من النوع الطيب حسن النيه اثق في الناس بسهوله واصعب شيء لما تنجرح من اقرب الناس منك والاسوء انه ولا هامه ولامتاثر
انك تحسي انك اشتريتي هوا بعمرك انك رخيصه وجوزك باعك ببلاش ومن غير سبب انك كنتي غبيه وزوجك كان ياكل ويشرب وينام معك وهو بيخونك وانك تسامحيه ويرجع يرميكي بعد بهدله هتقولي استحملتي ليه؟ عشان عندي ولد وبحاول واقول يمكن ربنا يهديه وخصوصا اننا متجوزين عن حب
دلوقتي انا منتظره الطلاق بس مشكلتي اني حاسه اني مدمره اني انظلمت اني باتعذب ومعذبه الي حوليا لان كل اهلي منظغطين بسبب المشكله حاسه اني كارهه نفسي جدا مش طايقه اعمل شيء هتقولوا اقري قران وصلي هقولكم انا مبطلش صلاه وختمت القران وبانام كل يوم بعد القيام والفجر مشكلتي الكبيره اني وحيده انا اتربيت ودرست كل دراستي في السعوديه وجيت على الجامعه يعني كل اصدقاء عمري هناك ومليش اصدقاء من الكليه لان زوجي كان مانعني اني اكون صداقات او اقابلهم اواو لاني مخطوبه من اول الكليه بمر بايام ربنا ما يوريها لاي وحده عوزاكوا تساعدوني اعمل ايه انا حاسه اني بموت ومش قادره اخرج لان هروح فين ومع مين عوزاكوا تحسوا بيا ان مفيش نفس مفيش شيء جواكي عاوز يتحرك او يعمل شيء انا بدور على شغل انا دكتوره بس مش لاقيه لاني معنديش خبره لان طبعا زوجي كان منعني اشتغل وانا زواجي دام 3 سنوات
احيانا احس اني اتجننت شويه امسك اعصابي واقول الي باعني ابيعه واعيش حياتي بس ساعات الاقي كل جزء في جسمي بيبكي وبينهار ومعنديش حد افضفض معاه غيركم حتي امي شخصيتها قويه لو بكيت قدامها تشتمني وتقولي الي باعك بيعيه فبحاول طول الوقت احط ماسك التماسك بس مبقدرش كتير
مش عارفه خلاص البشر هالايام لا عاد في تقدير للعشره والله انا كنت خدامه لزوجي وفي الاخر اترميت عند اهلي حرام الظلم انا واثقه من ربي هيرجعلي حقي بس انا تعبانه انا بصلي واشتكي لربي واصرخ واكلمه كاني بكلمكم من كتر تعبي تصدقوا يا بنات نفسي اضحك هيا دي امنيتي نفسي انام مش شايله هم نفسي في يوم يمر من غير قلق وحرق اعصاب خلاص والله انا بكتب الكلام ده ومعرفش هتقروا ولا لا بس انا بفضفض معاكم من كتر تعبي لاني قسما بالله مش لاقيه حد اكلمه قولولي اي حاجه اشتموني حتي بس عاوزه احس ان في حد حاسس بيا
انا فعلا في كلمتين وحيده مظلومه معذبه