انا خايفه على بنتي من سمات التوحد.. من مثلي خايفه:(

مرحبا بنات ..

بنتي عمرها تقريبا سنتين خلاص بتكملهم..
تتكلم |( ماما بابا ددي=جدي دادا لولي نونه حليب هاتي ابي,,,,)
عندها قاموس لا بأس به..

اللي مشككني فيها .. انها من عمر ثمان شهور تقريبا بدأت برفرفة بيدينها ورجلينها لما تتحمس لشي.. يعني لما اشيلها وانا لابسه عبايتي.. او تشوف شي تحبه بالتلفزيون..

تمووووت على التلفزيون الى درجة انها دااااايم تردد بابابا يعني براعم..

تسوي حركات غريبه تناظر السقف وبعدين تقول وووووي وتطالع يدينها وتكلمهم.. تهز راسها بعض الاحيان.. تطالع الشباك وبعدين تنزل راسها يمكن خمس مرات ورا بعض.. حركاتها غريييبه..
لما تسمع موسيقى بعض المرات تلف حولين نفسها وتوقف لما اسكرها..

تحب تردد الالحان حقت العابها..

كلااااااام كثير مأرقني.. خايفه تكون هذي سمات توحد..
مع العلم اني خذتها لطبيبة نطق وتخاطب.. واكدت لي انها طبيعيه ميه بالميه..
لكن لما اشوفها تسوي هالحركات تضيق صدري..
تحب تحط الاشياء في فمها داااايم..
تلحن كلامها دايم..
تحب تلعب مع الاطفال..
وش رايكم؟؟
من عندها شكوك مثلي..
الله يستر بسسسس....