انا زوجة اخوهم مو زوجة ابوهم

مساء الخير
أهل زوجي ناس جدا غريبين لي متزوجه خمس سنوات واحس تصرفاتهم غريبه عندهم بنات متزوجات وأولاد متزوجين عندي ٣ سلفات هو صحيح انهم كافين خيرهم شرهم والحمدلله ماشفت منهم الاكل خير بس مستغربه وضعهم وهو ان بناتهم يجونهم يومين في الأسبوع عمتي هي الي تحدد لنا يوم في الشهر أو كل أسبوعين تحدد لي يوم اجيها ماتبي احد يجي من نفسه فحترمت رغبتها فصارت تعزمني اذا راحو بناتها او قبل ما يجون مثلا جو عندها الأحد والاثنين تتصل علي الثلثاء تعزمني او الاثنين اول مايطلعون بناتها اعرف بتقولون ان البنات بياخذون راحتهم مع امهم انا احترم هذا الشي قلت براحتهم وكمان سلفاتي تحدد كل يوم لوحده تجيها قلنا براحتها بيتها وهي حره فصرت انا اعزمهم في بيتي لكن يتعذرون والى الان مستمره اعزمهم وأحيانا تجي عمتي لحالها تجي بدون نفس وما تجلس الا خمس دقائق وتمشي كنها داخله بيت كفار استغفر الله فا انا اذا عزمتني في الشهر مره اروح مغرب نص ساعه واخذ معي طبق حلى او معجنات يعني ما اروح ويدي فاضيه ولا أطول في الجلسه واذا دخلت تستقبلني عمتي بدون نفس وبناتها بالكاد يجون يسلمون وتجلس الوحده كنها في عزاء ولا كلمه هم وامهم لدرجه أشك في نفسي هل انا غلطت بشي او صدر مني شي بدون قصد ضايقهم حتى بنتي ما يعطونها وجه واحس صارت جيتي لهم هم على قلوبهم ودهم بس تنتهي الزياره طيب مدام انهم كذا ليش عمتي تعزمني وش الي حادها وليش تضغط على نفسيتها فصرت اتعذر اذا عزمتني وكثير انا اعزمهم بس مافيه فائده فقررت اني خلاص ما ادخل بيتهم اذا بيجوني حياهم الله والعين أوسع لهم من المكان اما اني انا اروح لهم وهذا وضعهم ليش اتعب نفسيتي كني زوجه ابوهم توه متزوجها وهم كارهين وغاصبهم الا يستقبلوني وهم مكرهين مو كني زوجه اخوهم وطيبه معهم وماقد ضريتهم بشي ولاقد تدخلت في خصوصياتهم او ثرثاره معهم بالعكس اذا شفتهم ابتسهم وافتح مواضيع عامه بس هم كنهم في مصيبه سؤال هل قراري صحيح وهو اني ما عاد ازورهم واكتفي اعزمهم ان جو اهلا وسهلا وان رفضو بسلامتهم