انا زوجه ثانيه

السلام عليكم بنات اول مشاركه لي في المنتدى ياحبيباتي بعد محاولات عده مستميته في التسجيل في هذا المنتدى اللي كلمة رائع قليله فيه 😘😘.                                                             انا متزوجه من رجل متزوج عمري الان 34وزوجي عمره 54زوجته الاولى مريضه نسال الله العافية لها ولجميع مرضى المسلمين لها علاقات كثيره من النوع الاجتماعي اغلب أهل زوجي معها ومتعاطفين معها من ضمنهم ام زوجي وهي من النوع القديم ام زوجي كل شي تحكي لمرة زوجي اي اسرار كبيره وصغيره تقولها انا معاملتها لي غير كذا يسودها الصمت اخر مره حصل لي حادث انا وزوجي وعيالي اتصلت على زوجي وانا لا انا دائم أذان طبخت أرسل لها من طبخي لكن مو مبين في عينها اخر مره سوت ام زوجي عمليه في عينها اتصلت عليها أني انا بطبخ الغداء لك وبرسله قالت لي اذا ابي بطلب منكم بعدين وعدتها في يوم ثاني أني انا بسوي لها احس يبنات أني ارمي نفسي عليها سويت لها في يوم ثاني الغداء ورسلت لها ومن بعدها ماطلبت من تزوجت يبنات ماحد زراني من أهل زوجي يبارك الا حموا تي من الام لان زوجي عنده اخوان من الام والاب اهل زوجي من ابوه ماحد حضر زوجي يبنات احس من معاملتهم بالعنصريه لان في ملكاتهم يصرون على مرة زوجي تحضر هي ومرة حماي الثانيه انا يعزموني في الحفلة بس يقدرونهاويحبونها حيل انا يبنات والله في حالي أهل زوجي من جهة الام كانوا في البدايه معي الحين انقلبوا ضدي مافيه بيننا تواصل ولا محبه ولا سؤال الا في المناسبات زوجي يبنات يرحم زوجته الاولى في كل شي والله يبنات مالقى الدلال والدلع اللي يبيه الا مني لكن مرة رجلي سليطة لسان عندها لسان يبنات ونفاق شيل زوجته الاولى شيل نظرها ضعيف اذا ودها المستشفى مايمسكها الا من يدها ومن تزوجته الان لي 7سنوات والى الان جايب لها في هالفتره اربع شغالات والخامسه بالطريق الفترة هذي هو اللي يخدمها من فطور واحيانا غداء وعشاء يطلع معها يبنات هم وعيال اولادهم وشايلها هي وعيال الأولاد في الطلعه من عشا وغيره هي تجلس وهو يشيل ويحط انا يبنات مافي قلبه رحمه علي من شهرين جاتني يدي ماقدر تحركها مو مصدق يحس بني اكذب مره جاني والايباد في يدي قالي ايباد في يدك مافيك شي رحت المستشفى طلع عندي نقص شديد فيتامين د سبب الام اليد معي ارتجاع في القلب ورماتيزيوم قديم ودائم يقول لي انا اخذت حرمه تقوم فيني وتخدمني لان زوجتي الاولى طايحه دائم اسمع حماتي تقول قبل مايتزوجني زوجي كان زوجي اذا بيسافر مكان زوجته الاولى ترفض تروح معه وإذا جامعة زوجي بيمشي قالت بروح فزوجي يعطل كل اللي بيروحون معه عشان تجهز نفسها هي تقول حماتي انها تتغلى على زوجي وتقولها ابيك تعلمني عشان اسوي لزوجي انا يبنات مدري شااقول وش اخلي مشاكلنا الحاليه يبنات اغلبها عن ليش انت يازوجي تقوم في  زوجتك الاولى وعيال اولادك وانا هنا ماتساعدني في البيت والله يبنات نفسي مره وحده يقوم الصباح يسوي لي. الفطور مثل مايسوي لها لان هو العاده يصحى قبلي واذا سوى لنفسه بس يقولي يبنات مره طايحه وهي كل فتره في البر معه مع انها تمشي بعصا لم تنومت في المستشفى كان يوم لي يعطيني ويوم لها بالمستشفى وباقي اليوم لي وهكذا يبنات انا ماكنت اغار منها بس لم شفته كذا قمت اغار قبل كان يبنات يجئ عندي في وقت الاولى وكان يطلعني في وقتها الان لا لانها قمت تتمشكل معه في هذا الشي وكانت ما تطلع معه لين رجع ماياخذني معه في وقتها لان يبنات زوجي مايحب يطلع الا مع اهله وزوجته الاولى مرات تروح معه ومرات لا فكان ياخذني ان بدالها بنات انا حتى حريم عياله أغار منهم خصوصا زوجة ابنه الاوسط وهي تصير بنت اخو زوجته يبنات نفس مرة رجلي في اللسان وشايله بيت رجلي شيل وهم بدون شغاله وعليها لسان يبنات مأكله قلب رجلي كل يمدح في خدمتها مرات كثيره غلطت علي وإذا قلت لزوجي ولا كنه سمع شي مني بنات مدري انا صح ولا غلط بنات اناقلت لزوجي بيته الاول لهم الشغالات وانا لي السفر لانه يقول انا ابي حرمه تخدمني ماابي شغالات اذا قلت له ابي شغاله حالي حالهم الوقت يبنات. اذا جا وقت الاولى وتاخرنا يقعد على اعصابه  بنات تكفون اذا انا غلطانه نصحوني وياليت من اللي عندهم تجارب وإذا انا صح تكفون عطوني حلول وكيف يبنات اجذب الناس لي أهل زوجي من حموا تي وتحريم حمو أني  وحريم أعمامه والباقية لأنهم متعاطفين مع الاولى مره وكلهم ضدي اخر مره يبنات كانت منومه مرة رجلي بالمستشفى رجال حارتهم سوو لها عشا بعد استئذان زوجي ابو زوجي يبنات لها فتره مرة زوجي مادخلت بيتهم ولم حضرت ملكة حماتي قام بسها على راسها من تقدير لها زوجي يبنات اليوم يقولي انتي ماتختلطين بأهلي قلت لها كيف اختلط معهم وهم مايجون عندي لا في. والده ولا اول ماتزوجتك ولا يوم سكنت بيتي الجديد يبنات احس مايبوني علاقتهم بالاولى بس والله تعبت يبنات مالي احد في هالديرهوالله تعبت يبنات ادري طولت وكلامي ملخبط بس والله قاعدته اكتب بدون شعور 😪😪😪