انا فاشله بالكيك أسعفوني

هذي مقادير كلها بعلبة الزبادي
واحد سكر 2 بيض تخلط زين ونضيف لها ثلالثة ارباع العلبه زيت وتخلط ونضيف الزبادي عليها ونخلط وبعدين في علبة الزبادي واحد دقيق والافضل كويتي وملعقه كبيره بكنج بودر واذا حبيت تضيفي بشر برتقال او ليمون للنكهه وتدخل الفرن لمدة 25 دقيقه اسهل كيكه وطعمها روعه

السلام أختي ، يسعدني ان أ رد على موضوعك


أحسن طريقة ومقادير كيكة الزبادي يضبط مية بالمية

المقادير

نقيس بعلبة الزبادي

بيضتين ، فانيليا ، نص علبة زيت ، علبة سكر ، زبادي ، علبة دقيق ، ملعقة بكنج بودر

الطريقة :

يخفق البيض بخلاط البيض مع الفانيليا ثم يوضع الزيت ثم السكر ثم الزبادي ثم الدقيق وأخيرا البكنج بودر

شروط نجاح الكيك : لاتخفقي الدقيق كثيرا ولا البكنج بودر

ينخل الدقيق

لا تفتحي الفرن قبل ربع ساعة

حطي في الخلاط ثلاث بيضات وكاس سكر مع فانليا وبرش ليمون ونقاط بسيطه خل وخليه يضرب خمس الى سبع دقايق ثم صبي نصف كاس زيت وانت تصبينه شوي شوي مو مره وحده حتى ما يطلع الهواء وكاس عصير اوحليب او علبة قشطهبعد شوي شوي مو دفعه وحده ثم ملعقه باكنج باودر صبي الخليط بطاسه فيها كاس ونصف دقيق منخول اهم شي ولاتقولين خفيفه كل ماكانت خفيفه كانت اضبط حطيه في صينيه متوسطه مدهونه زيت ومرشوشه دقيق اوجوز هند ودخليها الفرن ولاتفتحيه قبل نصف ساعه للمعلومه الفرن يكون حار معليش طولت الشرح

كنت داخلة ارشح كيكة الزبادي ولقيت البنات ماقصرو صراحه اضبط كيكة سويتها لاني انا مثلك تعبت وانا اجرب الين رسيت على هالكيكة

اهم شي لا تفتحين الفرن بدري
هذا اللي يخليها مخفوسه