انا في حيرة محتاجة مشورتكم ،،

يبنات طلبتكم مو عارفه ايش الحل 
انا زوجي خطبني وسارت شوفه ورفضتو
اهلو خطبولو بعدي وحده تقربلهم وسارت شوفه وماعجبتو ابدا واهلو فسخو وبعدين رجعو خطبوني ماكمل اسبوع الا سارت فاتحتي طبعا البنت مره كانت تبغا
ولصقت قي اختو وسارو صحبات 
قبل مايسيرو صحبات قابلتها بعد الملكه تقولي علا البنت مع نفسها من شوفه حبتو وراميه نفسها بعدين سارو صحبات 
وسارت اختو تسوي حركات تكيدني فيها
زي ايام الملكه رسلتلي صورة بنت صغيره وحلوه وعيون خضر تقولي هادي هيا 
وبعدين قالتلي هيا مره حلوه قلتلها مشالله تبارك الله بعد فتره اتفاجا انو دي بنت اخت البنت يعني ماهي البنت بس كدا وكل شويه تمدح في البنت وفيها وفيها
وبعد الزواج باربع شهور سارت عزومه والاتنين اتفقو انهم بس يكيدو فيا ويسو حركات والله مانتبهتلهم ولاحطيتهم فبالي بس اتنين قالولي اتفقو قبل ماتيجي يحرقو دمك وانا جلست مع البنت بنيتي واتكلمت معاها ولاحسستها بشي بس 
بعد فتره عرفت اخت زوجي اني اكلمها جوال قامت سوت مشكله وخلتني اكره شي اسمو اخرج معاهم لانو البنت لاااصقه فيهم ورجعت بعد سنه علاقتي في البنت طبيعيه وفي يوم تبغا غرض دقت وطلبتو وقالتلي كنت حكلم اخت زوجك تطلبو منك بس هيا محذرتني منك وسارت تقولي انها تتكلم عنك وحكتني اشياء كتيره سارت بيني وبين زوجي وبين زوجي واهلي وانو ابويا حق مشاكل وانو ماهي طايقتني وكلااام كتير وتقولي انو كلهم يقولو انو زوجك مدح في جسمي ومرره خبل عليا قلتلها والله ماعجبتي ولا يطيق يسمع اسمك ولايرضاكي تكون من حريم اخوانو بس زوجي اتصل علا اختو وانكرت وتقول لا ماقلت كدا واتضاربو هيا والبنت 
والبنت تقول لاخت زوجي هيا اللي تتكلم عنك وتقول انك شوهتي سمعتي قدام زوجها وانا انقهرت ورديتلك هيا بس دحين كل اهل زوجي عرفو بالمشكله انا غلطت فشي ومو عارفه كيف ادافع عن نفسي والله خايف الكل يحط عليا الغلط وهما يتصافو والكل يبعد عني لانو البنت رسلت لاخت زوجي تعتذر وتبغاها تحضر فرحها
عارفه كلامي ملخبط بس من جد ماعندي غيركم



المشكلة ماهي لي لوحدة تحتاج مشورتكم لاهنتو باليت تشورون عليها *