انا في حيره من امري

السلام عليكم ...
انا متابعه للمنتدي من زمان لكن اول مره اسجل فيه واللي خلاني اسجل هو اني ابغى مساعدتكم في موضوع ممكن انكم بحكم ماتعرفوني راح تجاوبون بصدق وتعطوني رأيكم فيه بدون عواطف .


انا اشتغل اخصائيه في احد اقسام مستشفيات الرياض الكبييره وعمري 29 والحمد لله ما يعيبني شي و عندي مريض من اول ما توظفت وانا متابعه حالته تقريبا خمس سنين وهو له 25 سنه يتعالج بنفس المستشفي وعمره 25 ومرضه تشوه خلقي بالمنطقة الحساسه لكن ربي اخذ منه شي وعوضه باشياء ثانيه مثقف وجامعي و جمال واخلاق وما ينقصه شي وبصراحه انا شجعته يتقدم لي ولما تقدم اهلى ما رفضوا نهائيا بحكم الظاهر منه ولكن بعد ما سالوني عنه وسألوا عنه وعرفوا مرضه رفضوه و كلهم وقفوا ضدي لانه رفضت كثير من اهلى ومن غير اهلى وانا ما تعلق قلبي باحد غيره وصحباتي واخواتي كل مره يجلسوا ينصحوني انه ابعد الفكره هذى من رأسي وانا محتارة مرات اقول صح ولكن لما افكر فيه اتراجع واخذت اجازة شهر على اساس اخذ قراري وبيخلص الشهر ولسا ما قررت مع العلم انه نفسيته تعبت وترك مواعيده وبدل ما اساعده بعلاجه زدت عليه تعبه.
ارجوكم حطوا نفسكم مكاني وساعدوني