انا في هم لايعلم به الا الله ساعدوني

السلام عليكم
اخواتي انا ابغى اجابة لسؤالي من وحدة مجربة او سمعت عن احد حالته شبيهة بحالتي
انا قبل مااحمل جاني نزيف استمر شهر تقريبا
طبعا في البدايه ماكان نزيف حاد بس دم واحمر يعني مو نزيف قووووي
وفي اخر الايام جاني النزيف زي دم الدورة احمر قاتم
المهم
انا ماتركت علاج الا وجربته سواء طبي او شعبي او رقية طلع عندي عين
والطبي تقول الدكتورة مافي شي والمبايض سليمة بس فيه كيس صغير جدا مايحتاج علاج على المبيض وتقول كيس هرموني اسمه
وسوتلي تحاليل تقول مافي شي انا سويتلك تحاليال الهرمونات المسؤلة عن الحمل ومافيها شي
ويوم سألتها ليش النزيف تقول هذا مسؤل عنه هرمونات الدورة
طيب ايش الغباء هذا ... مادام انو النزيف من البدايه مسؤل عنه هرمونات تخص الدورة ليش سويتيلي حقت الحمل ؟؟؟
معقول فيه طبيبات غبيات كذا ؟؟؟
بعدين جربت عند وحدة ممرخة اعطتني اعشاب وتحاميل مهبلية مااستخدمتها الا يومين تقريبا عشان شكيت انو الدم اللي نزل بعدين دم دورة وخفت احبسه وبعدين انقطعت
ويوم انقطع النزيف جلست كم يوم ومارسنا انا وزوجي حياتنا الطبيعية عادي وبعدين اتعالجت بالرقية وقال فيكي عين
انا ذحين بعد ماحكيت قصتي وطفشتكم بيها
خايفه من شي
انا بعد النزيف حملت لاننا تركنا الموانع طبعا مااستخدمت الحبوب وقلت خليني احمل اخاف هذا عقاب من الله
وذحين شوفة عينكم حامل في الثامن باقي يومين تقريبا واخش الثامن
وخايفة من شي
وهو
لاسمح الله ممكن بسبب النزيف السابق يصير مضاعفات وقت الولادة ؟؟؟ خايفه يجيني نزيف او اموت لاقدر الله
لانو الدكتورة الغبية اول شي قالت يمكن كيس بعدين قالت يمكن بطانة الرحم سميكة
وحسيت ماعندها شي وطنشتها ولاكملت معاها واعطتني ادوية غلط وهيه لخبطت بينها وتوهتني معاها
انا خايفه يابنات خايفه يسوولي قيصري مثلا ويشقوا الرحم ويصير شي واتورط وخايفه من استئصال الرحم وانا صغيرة في العشرين وخايفة لاسمح الله يكون فيه تليفات او شي هل تبان مع السونار خلال الحمل ؟؟؟؟ ولو فيه هل هي مضرة للجنين او للام؟؟ يعني الدكتورة ماقالتلي لاتحملي عشان ممكن يكون مضر
ارجوكم ساعدوني الله يخليكم