انا واختي توائم والعريس اتخربط

السلام عليكم ورحمة الله وبركاتة ما بعرف شو رح اسمي قصتي مضحكة بنفس الوقت محزنة ومحيرة انا ليا اخين اكبر مني ولي اخت انا وهي توئم سيامي يعني نشبه بعض على الاخر المهم تقدم لاختي عريس ما شاء الله عنه دين وخلق ووظيفة محترمة وكل شي ممكن تتخيلو في هلعريس حتى اهلو ما شاء الله عنهم المهم طلب اختي بلاسم يعني جاي وعارف مين بدو يخطب المهم يا غاليات اجو الجماعة وطلبو اختي على سنة الله ورسولو واختي كانت الفرحة مو سايعها ابدا كانت كتير فرحانة المهم اول مرة مشت الامور تمام والمرة التانية لازم يقعد معها ويشوفها المهم قعد معها وحكو مع بعض ومشت الامور تمام وقرئنا الفاتحة والحمدالله المور عدت بسلام وبعدها صارو يجو عشان نحدد موعد الخطبة وكتب الكتاب وبلفترة هاي كا يجي ويشوف اختي ويحكو مع بعض المهم حددنا موعد الخطبة على اساس كان ضايل 14 يوم للخطبة وبلفترة هاي برضو كان يجي مع اهلو وهيك المهم انا كنت احس انو مايلي كتي ما بعرف ليش بس كنت احكي اكيد وساوس وهيك اختي بنت هادية جدا وحساسة وانا بنت قوية وشخصيتي قوية عكس بعض صارت تيجي تحكيلي انو مش حاسستو انو ميال الها وحكتلي نص الجلسة والحكي كلو عنك انا انصدمت ليش عني هو بيخطبني ولا بيخطب اختي قررت انو اعرف ليش ولاني ما بدي اختي تتورط مع واحد هيك في يوم اجو عنا وجلسنا كلنا مع بعض وصرنا نحكي وصار يوجهلي الكلام انااتنرفزت عشانمشاعر اختي فا نادين امو واختو على الغرفة وكان معي امي وسالناهم ايش القصة وليش هيك بيتصرف عريس الهنا فردت اختو وصارت تقول احنا يوم اجينا طلبنا تخربطنا وطلبنا البنت الغلط على اساس انو احنا توئم وما فرقو بينا الجماعة وانو هو طلبو البنت الي شخصيتها قوية يعني انا مزبوط غلطة بس غلطة كبييييييييييييييييييرة لانو اختي عاجبها العريس وابتدت ترسم الاحلام طبعا انا وامي انصدمنا وما عرفنا ايش نعمل فقررنا نخبر اختي وهي تقرر اكيد ايش بتعمل فخبرها ابوي بلقصة واكيد اختي تراجعت عن العريس وما تم النصيب بس حبيت اخبركم القصة لاني حاسة بتانيب الضمير عشان اختي واكيد مو ذنبنا انو احنا توائم بس انا زعلت على اختي كتيييييييييييييييييييييييييييير يلا كل شي قسمة ونصيب وربي يكتبلها الاحسن يا الله وبلاخر جلست انا واختي بلغرفة نحكي مع بعض عن القصة وصرنا نتطلع ببعض وانفجرنا ضحككككك على الاخر وحكتلي منيح ما اخدتو