انا واخواتي .

السلام عليكم ورحمه الله وبركاته.
انا معرفي الاساسي مو هذا فتحت جديد عشان محد يعرفني من هالموضوع.
انا سلمكم الله عندي 4 اخوات انا الخامسه مشكلتنا ما نعرف نوجب ونستحي من الناس ونعاير بعض .
بالعيد بيتنا كئيب محد يجينا وما نروح الا لناس معينه واشوف نظره الشفقه منهم اروح انا واخواتي نجلس يصبون لنا قهوه ومحد فينا يتكلم نستحي لين ما نمشي متخيلين يعني نجيهم يصبون لنا قهوه يحاولون يفتحون سالفه لكن محد يرد مننا تدرون ليش نخاف نغلط مره تجرأت وحاولت اخذ واعطي مع اللي نعيد عليهم لكن نرجع البيت اخوتي يطقطقون علي ويعايروني عشاني تجرأت وتلعثمت شوي يقولون لو ساكته معنا ابرك .
كل عيد نفس الشيء بالايام العاديه محد يجينا الا قليل واذا جونا وتزينت عشان اطلع لهم يجون خواتي يقللون مني ويتريقون بكلام جدا مؤذي لاي انسان المهم اروح للضيفه والله كلمتين على بعضهم ما اقدر اطلعها .
والشيء الغريب ان كل وحده فينا لها صديقات تاخذ وتعطي معها كلنا ناخذ راحتنا مع صديقاتنا اللي بالجامعه واللي بالمدرسه بس كل وحده تخبي عن الثانيه صديقاتها وسوالفها تدرون ليش عشان محد يعاير الثاني بسوالفه واغلاطه بس مجرد ما نجتمع انا واخواتي مع بعض عند احد نبرطم ولا احد يتكلم نستحي جداً.


فيه وحده كلمت امي قالت بنجي نشوف بناتك بنخطب لولدي طبعاً كل وحده سوت نسها مو هامها الموضوع بما فيهم انا وكأنه حرام الزواج المهم امس امي تعلمنا وش قالت الحرمه ومي قالت تزينوا انا قلت اكيد بنتزين ونسوي اللي علينا جو خواتي كلهم يقولون خير نتزين وتجي تنقي كأننا اثاث لها ولولدها احنا ماراح نتزين بنطلع لها بالبجامه كمان ويضحكون نا خايفه اتزين واطلع لها ويقولون هذي مشفوحه ع الزواج والشيء الثاني اللي اكثر شيء خايفه منه خايفه اننا لما نجي نسلم عليها كل وحده تسكت محد يتكلم زي الاعياد لما مزور احد نرد السلام وبس .


الناس ماعاد تجين الا ما ندر وبالاعياد اه وربي البيت كئيب مافيه الا انا واخواتي وكل وحده تدور لزله عل الثانيه تعبت من هالوضع حتى بعيد ربي نتهاوش
انا الوسطى بين اخواتي قبلي ثنتين وبعدي ثنتين.