انا واخوى في بودي شوب

خبركم بدا الصيف وقلنا خلنا نبدا صنفرة وترتيب مثل هالبنات ولان الكثير هنا قريت يمدحون صنفرات بيودى شوب رحت له

وانا هناك مع اخوى والعامل يمدح كريمات وخرابيط واعطانى الصنفرة الزرقاء يمدح فيها مدح وجربها على يده من جد كانت خطيرة فتحمست وشريتها بحوالى 40 ريال وعلبتها صغنونه ما تكفى جسمى كله الا يمكن مرتين او ثلاثة

ولما خلصت رحت لمحلات تجميل عادية ادور على اللوشن تبع جونسن الى يخفف نمو الشعر وانا هناك مع اخوى الا يلفت نظره شي

قال لى فلانه ترى هذى الصنفرة احسن من الى معك وانا مجربها فتحت عيونى به وقلت كيف

قال اذا تبيها اخذها لك وافهمك عليها

ما كذبت خبر خصوصا ان علبتها كبيرة وسعرها معقول مره 30 ريال بس

طبعا اخذت الى ابيه من المحل وطلعنا وحنا بالسيارة قلت وش سالفة هالصنفرة

اسمعوا المفاجاه===

قال اذا رحنا لاى محل حلاق تركي وطلبنا منه تنظيف بشرة يحط لنا مثل هالصنفرة ويفرك بها وجيهنا وبعدين يحط فوطة دافية خمس دقايق ويرجع يحط باردة كذلك خمس دقايق

واذا شالها تحس البشرة نظيفة ومشدودة

ما كذبت خبر رحت امس وجربتها ولما قمت اليوم من النوم شى خطير ما تتخيلونه

طبعا انا جربتها بدون هالفوطة الدافية والباردة عجزانه بس والله نتايجها فوق ما تتخيلون

فرحت له وعصبت وقلت وش معنى توك تعلمني قال تو اشوفك تشتري صنفرات على بالى هذى بس للاولاد = تحطيم

ولان هالقسم له فضل كبير حبيت احط هالصنفرة الرخيصة والى تعطيك نفس مفعول الصنفرات الى من المحلات الكبيرة = لاصحاب الدخل المحدود

واسمها -
st.moritz
قناع الطيني لشد واتقية الوجه بالمريمية والنعناع والطحالب البحرية


والى تجربها وتنفع معها لاتنسى ان لها اخت تحتاج لدعواتها