انا واهل زوجي

صباح الخير


بنات تعبت كثير من التفكير باهل زوجي واحس بتوتر.
اول شي كانت علاقتنا مع اهل زوجي قبل الزواج ميه على ميه كنا متفاهمين على كل شي وقريبين من بعض حيل
امي خطبة بنتها لاخوي وبعد فتره هي خطبتني لولدها ومن هنا ابتدت المشاكل .

اول شي امي وحده على نياته والله العظيم ودايم ماكول حقها بس الحمدلله الله عوضها باشياء كثير لصبرها واهل زوجي ناس متسلطين وقويين لابعد درجه.
ف البدايه زوجه اخوي كانت مرا معانا ومانشتكي منها شي مرا مرا متفاهمين بعد فتره لما حملت تغيرت 180درجه سارت وحده ثانيه كل شي يصير بيننا من كلام او مشادات تحكيها لاخوي ومخليه اخووي خروف عندها والله يابنات اخوي تغير وكل الناس لاحظت عليه ساير واحد ثاني ساير مثل الغبي مثل اللي يمشي بدون عقل وفي اشياء يسويها وبعدين يحلف انه ماسوها حالته جدا غريبه.
بالنسبه لي مع اهل زوجي امه طيبه معاي بس من ازورهم مااحس باهتمام وخواته مايجلسون عندي والله كرهة الروحه لهم وانا من عيد الفطر مازرتهم ماعاد لي نفس اروح لهم
واهله عامة من امه وابوه واخوانه جدا مضطهدين زوجي من ناحيه المشاوير والمصروف والله ساير يقصر علي كثير وياويلي لو اجيب سيره اهله اهله خط احمر ينقلب شخص ثاني لو قلت عنهم شي بس انا تعبت معاد فيني اتحمل
هاذي كل القصه قلتها عشان تكونو على بينه


اللي ابيه الحين نفسي اتعامل مع اهل زوجي بطيب بس مو قادره انا تنقصني الفطنه وامي احسها متهتم لهم زي ماتهتم لاهل زوج اختي ولاعمره قالت لي سوي لهم اوجيبي لهم بعكس اختي وماشاءالله اهل زوج اختي يموت عليها وانا احسهم مايحبوني احيانا احس اني غبيه وكثير اندم على اشياء واقول ليش ماسويتها
نفسي اتعامل مع اهل زوجي بحب بس الناس واهلي مكرهيني فيهم دايم يقولو الله يعينك عليهم كيف تتعاملي معاهم.
وشي ثاني خلاني اكره الروحه لهم هو زوجي زوجي حبيب معاي وبس نروح لاهله ينقلب علي ويسبني ومايحترمني .
انا الحين كارهتهم وكارهه الخرجه معاهم لاي مكان نفسي اتغير تكفون ارشدوني