انا وزوجي

كيفكم حبايبي
اليوم جاياكم بمشكله جديدة ماني عارفه مين الغلطان
من سنه زوجي اشتر سير كهربائي ب1300معاه هديه جهاز تبع شد البطن يعني جهازين بسعر جهاز واتمرن عليه تقريبا اسبوع وطفش منه وشافته اخته وقالت انها تبي تشتريه منه قالها ب1000رفضت وصراحه انا رفضت انه يبيعه وبالرغم اني مااحتاجه بس يجلس في البيت احسن
المهم جلست فترة تحن عليه انها تبيه ومرت الشهور تقريبا من رمضان اللي فات انها تزن المهم هواستغل الفرصه هالشهر وعطاها ب500ريال تخيلو جهازين ب500ريال وربي انه جديد ولسه بقراطيسه صراحه انا زعلت منه وقلتله ليش تبيعه اناابيه وزعلت منه
تدرون ايش رد على انتي ماتستعمليه مالك فيه شي قصدة انه هو اللي شراه بفلوسه عاد انا ماهديت الوضع قمت وعصبت وقلتله اظن لما بعت ذهبي عشان افرش البيت ماقلت ان الذهب خاص فيني وكل البيت فارشاه انا بفلوسي وانت ماتدفع الا اجار البيت بعت ذهب الزواج كله عشان مايمديه يفرش البيت تقريبا من اربع سنين وللاسف حتى الحين ماعوضني وكل مرة يقول المرة الجايه انا مقدرة ظروفه المصروف يادوب يكمل الشهر
والمشكله انه من شهرين زعل عشان مابعت قطعه من ذهبي عشان خلص المصروف وللاسف حنيت عليه وبعته ب2800وعطيته وقبلها يحن عليه عشان ابيع طقم ذهب هديه منه ب5000ريال وانا رافضه
صراحه زعلت منه وحب يراضيني وطلعنا البحر وحاولت اهدي عشان بس مسافر واصلا هو مو مهتم انا راضيه والا زعلانه وحلفت عليه انه خلال الايام الجايه ياخذ سير بديل للي باعه بالرغم اني مابيه بس عناد فيه عشان يشاورني لبغى يسوى شي بس زعلت من كلمته مالك فيه شي
مييين الغلطان فينا بالرغم انه اخته اللي اخذت السير منه عندها راتبها وتقدر تاخذ جديد بس للاسف لو يطلب منها سلف لاخر الشهر وربي ماترضى