انا وزوجي والنفسيه

صباح الخيرات حبيباتي عندي مشكله منكده علي حياتي وابغى بس افضفض لكم وتنصحوني واذا ما عندكم نصيحه تكفيني بس دعوه من قلب
انا متزوجة من:arb: عمره 40 لااااااااااااااااااا تهجموني هذا نصيبي وهذا اللي ربي كاتبه لي
وانا مو معترضة على قضاء ربي والحمدلله طيب معاي ويحبني وأخلاقه حلوه ولا عمره شتمني ولا سبني ولا نقص عليا بشي
بس عشان ما اكون (أكفرت العشيره) عيبه الوحيد انه ما ينام معاي ولا يحسسني بانوثتي وبخييييييييييييييييل كثير بمشاعره ومدمن نت وتلفزيون أنا من جد تعبت معاه مدري كيف اسوي بحالي
أجي اتمكيج واتكشخ يقولي لييييييييه تتمكيجي أنا الحين كيف بأخذ راحتي وان والله صدقته ماتمكيجت مايدري عن هوا داري واذا جاء وقت النوم يدخل غرفة النوم وينام لحاله اذا دخلت معاه يعطيني بوستين وتصبحين على خير حبيبتي:42: أنا بالله هذي تكفيني( يازين من أعطاه طرااااااااق على خشته وهو نايم)
واذا ربي هداه وأشتاق لي ما ينام معاي الا الصبح وقت مااكون بسااااااااابع نومه بالله ذيك الحزه لك نفس تدلعي وتدلعيه وانتي توك مفتحه عيونك تكفون أنا من جد افتقعت مرارتي من أسلوبه خلااااااااااااااص من جد طفشت
وش أقوله مع أني كلمته اكثر من مره وأرسلت له اكثر من عشر ايميلات ويتعدل معاي اسبوع وبعدين يرجع
والله العالم أني مو مقصره معاه بشي لا بأكل ولا بنظافه ولا بدلع ولا بحفلات ولا بلبس ولا بأسلوب ولا حتى بهدايا لدرجة أني ارسله بكيهات ورد لمكتبه عشان افاجأه وكذا مره اصارحه وأقوله اذا فيني شي مو عاجبك قولي بشكلي ببيتي او بريحتي او حتى أني مااريحك بالفراش قولي علمني ويقولي لا والله مافي شي وانتي ماقصرتي معاي واني كثير محظوظ فيك بس كل الحكايه نفسيتي تعبانه من الشغل..طيب لين متى بجلس استنى النفسيه ذي تتعدل مدري من جد تعبت ابغاه بس يحسسني اي زوجته مو وحده من محارمه لانه أحيان يلعب معاي يستهبل يسوي كل شي ابغاه من كلام ودلع...الخ لين وقت النوم يعطيني بوستين وينام مايمديني اتميلح عنده الا واسمع شخيره أنا ذيك الحزه احس أني برتكب فيه او بنفسي جريمه:06:
أنا أخاف على نفسي من الوحدة والفراغ اللي عندي ادري كلامي ملخبط بس هذا اللي طلع معي
تكفون بنات ادري أنكم تقولوا تستهلين مين قالك تاخذين رجال قد أبوك بس لا تقولوها ترا وربي اللي فيني مكفيني
وكل ما أجي اشكي ما ادري لمين او حتى وش اقول
انصحوني بالله وعتبروني أختكم :(