مساء الورد..
كيفكم جميعـا ...
حوائيات ساعدوني الله يفرج همكم اانا متزوجه من 4 شهور معلمه ومثقفه ع قدر من الجمال عمري 27 ولله الحمد ع خلق ودين ولا امدح نفسي بس بشهادة الكل محبوبه ...
من تزوجت زوجي كان يعمر وهو عسكري وتعرفون العمار كيف يضغط ماديـا ..
انا من جد تفاجأت بشخصيته ماتوقعته كذا...
بدا الدوام رحت لأهلي لان ماجاني نقل ...زوجي بمكان وانا بمكان ,,علاقتنا كويسه وانا مع اهله مره تمام والحمدلله يحبوني وانا مااحب المشاكل يعني من ججد اشوف نفسي زوجه مطيعه ومؤديه لحقوق زوجي..
مرت عليه زنقات وظروف برمضان ماكنت اقصر اعطيه صرافتي ولاحسبت بييننا تكلفه بالرغم من اني كنت شايله هم المشاكل ,,بس ولامره بين انه طمعان براتبي...
خربت سيارته قبل شهر وماطلعها من الورشه وربي الا انا ومع ذلك مامنيته ولا قلت اعطيتك واعطيتك ,,
حتى صرفتي ماكان يعطيني حتى بالعيد انا نزلت اقضي من راتبي بما اني عارفه ظروفه قلت ياشيخه دمتي تقدرين تساعدينه ساعديه ..ومع ذلك ماقدر ّ!!!!
قبل اسبوع طلعت لابوي قرض ,,ولما عرف دخلت اانا واياه بمشاكل مالها نهايه ...ليه تعطين ابوك ابوك راتبه اعلى مني وانا احق منه شرعا ..والمفروض يستأذن مني قبل يخليك تطلعين له القرض واهلك غشوني دامهم طامعين براتبك ,,وووو بلاوووووووووي من جد تفاجأت بشخصيته ماكان كذا ,,,أخيرا يههددني بالطلاق لو ماطلعت له سياره ....!!!!!!!!!!!!!!!!!!!!!!!!!!!!!!!!!
وربي عشان اسكته وارتاح من كلامه اعطيته 10 الاف ..ومع ذلك شايفها شوي عند اللي اعطيته ابوي..ولاهو مقدر يقول فضلك بالتراب مالك فضل عند زوجك !!
هو مره معاي زين ويحبني استغربت طمعه وين وصل ...
انا للعلم تملكت وانا بالكليه ولد عمتي وحصل مشاكل ولاصار زواج..
وتزوجت بعدها وقعدت معاه شهر كان بيننا سحر وماجاني وتطلقت ..وتزوجت زوجي هذا وانا بكـر ..
الحين تعبت من المشاكل ومن مجتمعنا اللي ينظر للمطلقه بنظره دونيه..
ابي اعيش عشان اهلي اقلهـا ..
نفسيتي جـــــدا تعبانه !!
شورو علي وربي صرت اكره وظيفتي وراتبي !!
الله يفرجهـا علي وع من ضاقت عليه
يلزم عليك تسجيل الدخول أولًا لكتابة تعليق.
مــلاك اللــيل
•
ياعمري الله يكون بعونك وماله اي حق ياخذ من راتبك شي
والله ما من حقه يأخد فلوسك أنتي حره تصرفي فلوسك بالطريقة الي ترضى الله ومساعدتك لوالدك هو الصح هذا زوج طماع والزوج الي يستحوذ على فلوس زوجته ما هو برجال الله يكون في عونك
الحل انك تكونين صارمه ولاعاد تعطينه ولا ريال
هذا انتي مااا قصرتي معاه وآخرتها يقول لك فضلك في التراب
لو هو اللي مطلع لابوه القرض ماكان سمح لك تفتحين فمك ولا بنص حرف
هذا انتي مااا قصرتي معاه وآخرتها يقول لك فضلك في التراب
لو هو اللي مطلع لابوه القرض ماكان سمح لك تفتحين فمك ولا بنص حرف
الصفحة الأخيرة