انا وصديقتي وخالتي الله يرحمها والحسد والكرهه

انا ابي افضفض لكم في شي كابته في صدري من زمان
انا كان لي صديقه هي في نفس الوقت خالتي اكبر مني بسنه وعايشين في نفس البيت تربينا مع بعض وكبرنا مع بعض كانت بالنسبه لي شي لايوصف احبها بشكل جنوني وهي نفس الشي لدرجه انا نشتاق لبعض اذا طولت واجباتنا وماتقابلنا في ذاك اليوم افضفض لها عن كل شي احس فيه اقولها اسراري رغم انها هي بطبعها إنسانه صامته بس كنت ارتاح معها
كانت أفكارنا متطابقه تماماً لدرجه نفهم بعض بالنظرات من دون مانتكلم كانت صداقتنا محط أنظار الكل لما دخلنا المتوسط قوت علاقتنا والثانوي زادت اكثر كانوا يستغربون من حبنا لبعض كان فيه ناس تغار منا محاولات كثيره لتفرقتنا بائت بالفشل خالتي اللي عايشه معنا في نفس البيت اكبر منا بسبع سنوات الله يرحمها كنت احسها تنقهر منا لما تشوفنا نتساسر خالاتي كل وحده فيهم تبي بنتها تصادق خالتي ذي رغم ان بناتهم وحده اكبر منا بسبع سنوات والثانيه اصغر منا بخمس سنوات
كانوا يحاولون يفرقون بينا احس بكرههم لي من دون سبب احس بغيره بنت خالتي ومحاولاتها انها تدخل بينا ًرغم اني ضميتها معنا وكانت خالتي رافضه دخولها ماتثق فيها بس انا حبيت انها ماتحس بفرق لاهي ولأبنت خالتي الثانيه.اللي اكبرًمنا بسبع سنوات
كنت اقولها حنىً نسولف معهم ونضحك ونعطيهم اشياء مب مره خاصه كله علشان مايكرهوني امهاتهم انا وش ذنبي مالي ذنب المفروض اني بنت اختهم وهذي خالتي مثل الثانيات انا مامنعت احد انه يقرب منها هي اختارت تكون صديقتي وانا كذلك لكن طبعا تصير احيان نتهاوش فيها بس نرجع لبعض عادي في نفس اللحظه ونتحمل بعض ونسامحً بعض كل شي كان طبيعي الين دخلت الكليه بدت تبعد طبعا بحكم انها كليه وانا ثانوي صرنا مانتقابل مثل قبل ًصارت جافه وعصبيه وطبعا كنت اعذرها ظغط محاضرات تروح من الفجر ترجع العصر إرهاق وتعب بس كان فيه حب بس عصبيتها زادت وانا ماعدت استحمل صارت غربيه الاطباع مب اللي انا اعرفها وانا نفس الشي صارت معي ظروف خلتني على اعصابي وحساسه الين جت لحضه كنا انا وصديقتي وبنت خالتي اللي اصغر مني بخمس سنوات في غرفه وكنا من طبعي انا وهي لما وحده تسوي شي بطاطس والا اي شي والا ان شاء الله عصير تسوي للثانيه تلقائي مايمر علي لقمه الا هي معي ومايمر عليها الا انا معها سبحان الله اللي يغير ولا يتغير المهم كنا متجمعين واذكر جابت الصحن ووطته قدامي في غرفتي وخالتي ام البنت دخلت علينا قالت نادوا فلانه حنى طبعا حاسبين حسابها صحيح كنت انا وهي قبل مره منغلقات مع بعض بس يوم كبرنا فهمنا الوضع صرنا نختلط معهم ونجلس ونسولف المهم جالسين نضحك ونسولف الا بنت خالتي جايه وعيونها حمر كانها باكيه جلست معنا وقمنا ناكل فجاءه احس بشي مثل النار في ضهري وضيق فوق ماتتصورون وخالتي نفس الشي تضايقت وقلتلها احس بضيق تحسين بضيق قالت شوي لان انا وهي سبحان الله ماادري اذا حست هي بشي انا احسه وهي نفس الشي وقلناه لبنت خالتي علشان ماتحس انها المقصوده او خارج الموضوع المهم قبت هوشه ماادري لحد الحين وش سببها ولا كيف بدت كلام يجر كلام وصوتنا يعلى وجت ام البنت وطبعا انا حصاتي محناه وهي تحب اختها وتغليها جدا ونظرات الكرهه لي وبنت خالتي كانت تهدي
وانا وصديقتي متعودات على بعض نزعل ونتهاوش بس نتفاهم كل وحده تصارح الثانيه انتي قلتي كذا وانا زعلت من كذا يعني متفاهمات وخالتي صافه مع اختها بس قالت لها مالك شغل انا وهي نتفاهم ومن يومها وبنت خالتي لاصقه منها وتقرب منها وتحاول تسوي نفس حركاتي معها يعني كربون بالعربي ماعرف ليه

كل اللي اعرفه اني احس بشي غريب لصديقتي اذا شفتها احس بغثيان واحسها على كبدي والله العضيم مدري ليه شي عجيب رغم انا رجعنا عادي جدا بس هذا الشعور معي ومن بعدها صرنا على اتفه سبب نتهاوش وهي تكابر الين جت مره اهانتني قدام صديقاتي. ودايم تسويها واعديها لها لحد مانفذ صبري وصرخت علي بدون سبب في النقل وبلعتها وسط شماته بنات يكرهوني انا وهي لما وصلت البيت كنت ناويه افضي اللي برأسي لكن قالولي امي وجدتي خليها ضعيفه وكذا لان لو بتكلم معها كلمه على طول دموعها تسبقها وهي تسوي بلاوي مع ذلك الدمعه على أدنى سبب تطيح ماحب كذا انا أحب الانسان اللي يواجهه اللي يعترف بخطاه ومايكابر كررت الموقف اللي تسويه مره ثانيه معي انا لحظتها فجرت كل شي ًوجبت اللي سوته من مواقف قدام زميلاتي وانكرت بس انا كنت منفجره وهي علشان ماتبكي قامت تهيني انا لحضتها ماعندي طاقه خلاص مليت وانا اصبر. من يومها بينا شي مكسور فضفضت مره لصديقاتي في الجامعه كنت اقولهم كيف كنا وكيف صرنا وانا متحسره صدق على حالتنا قالتلي وحده هذي تغار منك ؟أجابه مرفوضه بالنسبه لي كيف تغار انا وهي نفس بعض قالت لا هي تغيرها المفاجئي غيره منك وطبعا انا دافعت وماسمحت لها انا ماني مقتنعه بكلامها لحظتها وأقولكم بعض من مواقفها وكلامي لصديقاتي
مثلا اذا لبست شي دايم اول ماتشوفني وع وجسمك فيه ومايصلح لك وانا ومغمضه أصدقها وكنت اختلف مع امي واصدقها هي رغم تأكيد امي انه حلو وانه لائق وانيق اقول انتي امي تجامليني او تشوفيني دايم حلوه اما هي تصدقني الرأي وتزعل امي علي بعد فتره في نفس اليوم تقولي اذا راحوا الناس قالتلي حلو عليك طلع شكلك حلو؟؟هذا الموقف دايم يتكرر علي رغم اني اسألها اولى مب قلتي كذا قالت متى ؟؟شي يجنن صراحه غيره دايم تقارن نفسها فيني رغم اني انا اشوفها كامله والكامل الله يعني احسها ماينقصها شي ولاعمري قلت انتي عندك وانا ماعندي طبعا اعترافات كثير قالتها لي انا يوم كنت صغيره اقول ياحضها بأمها تجيبلها وتشتريلها رغم اني امي تجيبلي انا وياها مع بعض وهي ابوها وامها يجيبون لها وخواتها ولا يجيبون لي شي حتى اذكر مره ان وحده من خالاتي جابت لها لعبتين نفس بعض تخيلوا وعطتها اياه وانا يوم صحيت قالولي ذي لك وانا جواتي ماحسيت انها لي يوم طلعت خالتي شافتها عندي قالت ًوالله مانويتها لك بس الله رزقك اياه والا ماجبت لك ولا طرالي ًوش رايكم ؟؟؟؟
غيره دايم انتي يحبونك الناس وانا مايحبوني رغم اني احس البيت كله كارهني من دون ذنب
انا من. يوم ثالث ثانوي تعبت اصبت بحسد في دراستي وفي اشياء ثانيه وهي كانت من الشاهدين تشوفني طايحه ولااحس بطعم الحياه وكثير قالولي حسد من اهل البيت ياناس امي نفسها غسلت وعطتني وانا منصدمه اقول مستحيل امي واهلي يضروني وهي كانت احيان تجي تقولي انا عجبني فيك كذا وترشني بمويتها واهاوشها خاصه قدام خالاتي مابي يأخذون عنها فكره حتى لو انه صدق رغم يشهد علي الله ان اللي تقولي يعجبني فيك يكون متعبني من قبل لا تقولي انه عجبها بس لما اشكي لها تقول يمكن مني والحين انا يوم صرت اتحفظ على بعض الاشياء خوف فعلا من تجربه تقولي انتي تخبين عني شعرك والا درجاتك والا والا رغم انه مب كله اخبيه وتسوي مشاكل يعني مره من دون سبب تخرجنا وخلصنا وهي تقولي انتي تخبين درجاتك انا في كبدي حركتتك تخيلوا وش ارد عليها به رغم ان درجاتي في النهائي هي اللي تجيبها لي وشعري مايسويه لي في المناسبات الا هي طيب ماختلفنا انا هي عارفه وضعي كامل قدامها تشوفني اتعب وابكي ومعاصرته كله تقولي وهم مرض نفسي وانت موسوسه وانا ماانضل وانت مافيك شي يعجبني وانا كامله والكامل الله لو فعلا صح ماكان حسيتي بنقص قدامي ومب كيفك تقولين انا ماانضل عيني بارده
كل انسان ينضل ويسب حتى نفسه الحين انا وهي سالب وموجب تغيرت تماماً حتى التفكير صارت تخوف كلامها كله فيه اعتراض على العادات والتقاليد وبعض أحكام الدين مثل الحجاب تقول الله ماامر بتغطيه الوجه؟؟؟؟؟من هنا بدت الفجوات تكبر وبنت خالتي مثلها وصارت معها واكثر شي حز بخاطري قبل أسابيع تقولي ان خالتي الله يرحمها قبل تموت انها تحش فيني وتقولها عني كلام انا ماصدقتها صراحه لان خلاص اللي كنت أثق فيها شخص ثاني فحبيت اسال خالتي عن الكلام اللي قالته عني وقدامها بس الموت كان اسرع وراحت ماسالتها راحت وانا زعلانه منها على اشياء كثير ماانسى قبل فتره كلمتها لي بدون سبب او نقاش انا احب اختي فلانه. كثير اكثر شي ومافيه مثلها يعني انتي ماحبك وكانت تتصرف معي بجفاف. يجرح بس ماكنت احطه بالحسبان قالت انا قدرت اغطي مكانك عند اختي فلانه واخذته والحين حنا خوات وانتي مب اختنا كلام حسيته انه من قلبها
دايم كانت توضحلي اني مب مثل فلانه رغم ان زمان كان عادي مافيه فرق انا ابي اعرف هل الإنسانه للي سميتها صديقتي فعلا صديقتي وتستاهل الوفاء واللي حصل بسبب ابليس او عين او ضروف والا اتركها وعوضي عند الله

وكيف اسامح خالتي اللي توفت مالها اسبوع
مابي أحقد وحمل على احد مابي تعذب بسبب اسائتها لي ونفس الشي عقب وفاتها المفاجئه قلت اخاف بكره لاراحت هي او انا نروح بحزن وجروح على بعض فهمتوني


اللهم ارزقني رزق النعاب في عشه