كيفيكم ؟؟
اليوم صراحة طالبتكم وعندي استفسارات ودي الاقي اجوبتها كلها عندكم
على العموم ماراح اطول عليكم ندخل بالموضوع وهو غرفتي ..
طبعا غرفتي لون الجدران اصفر بس مو اصفر فاقع (فلاش ) لا هادي ورايق و الاثاث لونه بني .. انا محتارة في لون الاكسسورات والسجادة وهالامور :44:
انا في بالي اني احط فيها ستكرات جدران على شكل فراشات ووردود يعني ارتبهم بطريقة حلوة على الجدار اللي فيه التسريحة من فوق
لكني محتارة في لون الاستكرات أو بالعموم اللون اللي راح ادخله أنا في بالي ( فوشي - موف - تفاحي - وردي فاتح )
محتارة بين هالالوان .. وطبعا اللون اللي راح اختاره راح اسخدمه في السجاد والستارة والاكسسورات .. وعادي يعني لو كان لونين
ثاني شي أنا عندي في الغرفة مثل البوابة او المدخل يعني لما تفتحين باب الغرفة يكون فيه بوابة ثانية .. اتمنى تكونوا فهمتوا على قصدي .. محتارة شسوي هني انا ودي احط ستارة اللي تكون من خرز وكرستال مثل الصورة
ولا اخليها مثل ماهي يعني ما احط شي
والغرفة كبيرة .. وفيها جدار كامل فاضي مافيه شي محتارة شاسوي فيه لاتقولون حطي مكتب لان عندي مكتب في الغرفة افكر اسوي صوفا بس محتارة ياليت تبهروني بافكاركم لاني بصراحة تعودت عليكم مبدعين واتمنى انكم ماتردوني خايبة .. وياليت تحطون لي صور استفيد منها
أدري طولت عليكم .. بس مالي غنى عن مشورتكم ..
وفي انتظار آراءكم وشكورين مقدما ...
