انبسطوووووو....مع مواقف الاطفال اللي تضحك و تفششششل

الاطفال زينة الحياة الدنيا ماقلنا شئ
بس مايخلى الامر من الفشايل اللي يسببونها لاهلهم...
وحبيت اذكر في هاالموضوع بعض المواقف اللي صارت لي او صارت لاحد اعرفه واللي سمعتها من البنات واللي قريتها في المنتديات الاخرى....

واي وحده حصل لها او سمعت موقف من احد تشاركنا فيه
نوسع صدورنا بدل الرجاجيل وهمومهم اللي ماتخلص
بسم الله نبدأ مع البزارين
وحركاتهم:

وحده تقول كان عندهم رجال على العشاء وحطت العشاء كله لأنه مايكفي وقالت لولدها انا وانت نتعشى بعدهم وقف الولد عند الرجاجيل وهم يتعشون قال هيييه لا تخلصون العشاء ترا انا وامي بنتعشى بعدكم
وش موقفك لو انك مكان ابوه.....

وابقولكم موقف سمعته من وحده راحت لمكه للعمره ومعها ولد شقييييييييي مره الله يصلحه وكان توه صغير وهم يسعون كبر الإمام للصلاه وقفوا طبعا يصلون في المسعى عاد فيه حرمه كبيره ياااحياتي قاعده تصلي على عربيه في الصفا فوق جاء الاخ ودف العربيه ودردب الحرمه على وجهها عند مين عند الام
عاد انواع الفشايل والحرمه ناظرتها بحقد وخطر تسطرها بعذرها المسيكينه جالسه في امان الله تصلي وفجأه الا هي منخبطه في الارض

يلاااا ياحلوات عطونا من مواقفكم الحلوه
واذا تذكرت مواقف ثانيه قلتها