انتبهوا لبناتكم من الخادمات

يا بنات انا مصدومة بجد و مش مصدقة
هو الدنيا حصل فيها ايه ؟
كنت فى المول أنا و صاحبتى امبارح بنشترى لبس و طبعا خدناه نقيسه فى الحمام عشان مفيش بروفة زى مانتوا عارفين
المهم ان احنا دخلنا الحمام الى فى نفس الدور لقيناه زحمة اوى
قامت صاحبتى قالتلى تعالى نروح الحمام الى فى الدور الاخير بيكون رايق شوية
روحنا طلعنا فانا قلتلها بصى ادخلى انتى قيسى و انا هروح اجيب المكياج عشان كان كلها شوية و لازم نروح
و لما تطلعى تعالى علليا فى المحل

المهم يا بنات سبت صاحبتى تدخل تقيس و انا دخلت محل المكياج و قاعدة بتفرج و اجرب
لقيت صاحبتى جاية وشها مخطوف و مصفر
بقولها فيه ايه ؟ قالتلى شفت بنت الخدامة ماسكاها و سورى يعنى بتعمل فيها حاجة وحشة مش هقدر اقولها هنا خالص
المهم بقولها يمكن اتهيألك قالتلى لا و الله العظيم انا متاكدة مية بالمية من الى شفته لانى لما دخلت الكلبة ماحستش بيا يعنى قعدت شوية على ماخدت بالها
و لما الخدامة شافتها خدت البنت و خرجت بسرعة
و البنت دى يا جماعة طفلة ماتجبش 4 سنين

المهم انا و صاحبتى انزعجنا طبعا جدا بس قلنا هنعمل ايه يعنى
رجعنا على الحمام تانى كانت فص ملح و داب
قعدنا نبص حواليه شوفناها الخدامة دى تانى و البنت معها ماشية
ساعتها صاحبتى قالتلى اهى الكلبة اهى
قلتلها طب نعمل ايه ؟؟ و نتصرف ازاى و انتى متأكدة ان هى
قالتلى زى مانا متأكدة انى شايفاكى كدا قسما بالله

بقينا انا و صاحبتى مش عارفين نعمل ايه و فضلنا ماشيين وراها من بعيد
طب امها فين و لا ابوها فين مش شايفينهم
فضلنا ماشيين كدا من بعيد نراقب لاقيناها راحت جمب واحدة كدا ست تقريبا امها و الست معها راجل طبعا و معهم طفل رضيع ابوهم بيجر العربية بتاعته
صاحبتى قالتلى نعمل ايه طيب ؟ نسكت و الأم الغلبانة دى تفضل على عماها
و انا بقيت محتارة و مش عارفة اهبب ايه طب لو قلنا للست نقولها ازاى و هتصدقنا ازاى ؟؟
روحت قلت لصاحبتى يا قاتل يا مقتول احنا نقول لأمها و الامر لله
اصل مش صدفة ربنا يخليكى تشوفى الموقف

قمت قلتلها احنا نروح و نحاول نكلمها و امرنا لله
المهم قربنا منها براحة كدا و قلنالها يا اختى
بصتلنا باستغراب اوى
و طبعا جوز الست بصلنا و قالنا فيه ايه
قلناله عاوزين بس كلمة للمدام بتاعتك و هنمشى علطول
قامت الست جاية علينا كدا و مستغربة طبعا جدا
قلنالها بصى احنا عارفين ان كلامنا غريب و انتى ممكن ماتصدقناش بس انتى بنتك دى كانت فى الحمام من شوية
الست قالتلنا ايوة ايش فيه ؟ سوت شىء ؟
قلنالها لا و صاحبتى قالتلها انا كنت داخلة اقيس و شفت كذا و كذا
لقينا الام يا قلبى مش عارفة تنطق و عينها من تحت النقاب مبرقة كدا زى ما يكون اتخضت
قلنالها احنا و الله ما بنكذب قسما بالله بس دورنا عليكى و قلنالك عشان تعرفى و الكلبة دى ما تعملش فى البنت حاجة ولو مش مصدقة راقبيها و انتى هتشوفى بنفسك
الست قالتلنا مشكورين و قامت مزعقة على جوزها خد منها البنت و طلعت تجرى تبوس فى بنتها يا عينى و راحت وشوشت جوزها فى ودنه كدا


الراجل يا عينى قعد يبصلنا و يبصلها و مذهول يا رب ما تكتبها على حد و قام مزعق فى الخدامة وواخدها و مش عارفين راح بيها فين
و الخدامة طبعا مكانتش واخدة بالها منا عشان صاحبتى منقبة فمعرفتش ان هى و بتبلغ عنها
اول ما سمعت ستها بتزعق بصتلنا كدا زى ما يكون فهمت والله يا جماعة بصة كلها غل و حقد ربنا ينتقم منها و قعدت ترطن كدا باللغة بتاعتها الله اعلم بتقول ايه

المهم ان احنا قمنا مشينا و احنا مذهولين و الله يا ناس و اتكدرنا جامد اوى اوى
حتى مكملناش الخروجة و روحنا

هو حصل ايه بس فى الدنيا يا ناس ؟ احنا بقينا فين فى غابة
خلوا بالكم اوى من عيالكم يا امهات لحسن ده الدنيا بقت وحشة اوى اوى
منقوووووووووووووووووووووول طازج لسه جديد