انتبهوا من تبييض البشرة

السلام عليكم بنات.. كيفكم وكيف اصبحتم

انا والله ما ابي اطول عليكم بس بقول لكم شي حصل معي اليوم

اليوم كنت رايحه مناسبه وكانت وحده جالسه جنبي .. الصراحه ما اعرفها اول مره اشوفها

لكن عرفت من خلال حديثي معاها انها خريجة كيمياء حيويه وانه شغلها كله في المختبرات

ومن حديث لحديث قالت لي معلومه خطيره

قالت تدرين انه كل المواد اللي تبيض هي سواء كانت طبيه او غير طبيه وش ضررها على البشره

قلت لا والله ما اعرف .. اعرف انه اذا طبيه امنه او طبيعيه ما منها ضرر ..

قالت لي .. لا حبيبتي .. هذا اعتقاد خاطيء

كل المواد المبيضه ضاره بدرجه عاليه ... لأن لها الية عمل في البشره

قلت لها كيف؟؟؟؟

قالت انه المواد المسببه للاسمرار اسمها ( الميلانين) وهذي الماده كل ما قلت في البشره كل ما كان الانسان معرض للاصابه بسرطان الجلد .( الله يحفظنا وياكم يا رب)
وكل المواد اللي تبيض ... هي صحيح تبيض وتقتل مادة الميلانين اللي هي مسببه للاسمرار
لكن في نفس الوقت ... تعرضك للاصابه بسرطان الجلد والتصبغات الجلديه لاحقاً لأنك ما فيه ماده تحمي بشرتك

وقالت لي ملاحظه .. قالت لاحظي ان السمر هم الاقل مشاكل في البشره من البيض او الحنطاويين .. لأن بشرتهم محميه جدا بهذي الماده ...
وقالت لي تعرفين الاشخاص اللي يكون كل شي ببشرتهم فاتح مررره حتى شعرهم ورموشهم وحواجبهم بيضاء
قلت لها ايه وش فيهم؟؟
قالت هذولا اكثر ناس ممكن يتعرضون لمرض سرطان الجلد .... لذلك يطلبون منهم الاطباء انهم ما يتعرضون للشمس كثير ويحرصون ما يظهرون في النهار عشان مادة الميلانين الحاميه (والحامي الله طبعاً) ضعيفه جدا عندهم

عاد انا قلت بعلمكم عشان تنتبهون يا بنات

والله لوننا وسمارنا مافيه احلى منه اهم شي عنايه بالبشره من الحبوب والكلف والزيوان

والله يهنيكم:27:

اللهم بلغت .. اللهم فاشهد